Pre-Wedding Photo (Part 2), 7.7度

19/02/2010

今日係影相的第二日, 已經預備了大量暖包, 蔘茶, 食物保暖, 但當日天氣真係好凍, 到現在我還不確定究竟沒作改期的決定是否有錯, 不過既然都過去了就算吧...希望d 相出黎效果好啦...
感恩地我呢兩次真係好勁, 完全無唔舒服, 我知道我媽媽勁勁勁擔心我會病, 應該話佢已經預左我病, 點知我又無wor, 呵呵!!!


今日既行程：


由小華與阿jim由太和出發到我家接我去廣福Ken's Home set 頭化妝，佢地因為唔熟路既關係, 遲左20分鐘左右, 之後再去佩詠家接佢, 又因為唔熟路既關係遲左20分鐘，所以去到ken家時已經9時多, 之後11時多才能正式出發到大埔火車博物館，今次我記得(可能真係太擔心)先來一個祈禱, 然後就開始拍攝.


在大埔火車博物館內, 因為車箱內唔俾影婚紗相差點大家都燥左 (影其他相又得wor), 後來總算平息了, 就出發去舊理文府影,影左一輪後就出發去大埔海濱公園, 不過因為天色已晚, 其實我地都不能影好多相 (only影左個水池,可能要擇日重賽wor), 之後就去左明雅苑影求婚照.


最後一站去科學園, 過程都叫做順利啦, 除左又俾一個保安話我地無申請外, 不過感恩當時其實都影得7788, 之後換埋衫凍住咁影左幾幅, 收得工時已經10點多. 返ken家落妝及執搭後就出發去潮和興打冷. 然後再由阿jim車我,200和佩詠回家.


p.s. 全程因為車位問題, 200 都係踏單車來往的,真係辛苦晒...另外ken之後都病左... 你要練好d 身體喇, 話左我唔病你都唔俾病嘛... 真係ya...唔知幾時有相睇呢....

相辦篇 16-02-2010 初三, 10度...

這是KEN弟弟影的SNAPSHOT...都好靚.....
地點是GRAND WATERFRONT CLUB HOUSE

但果日其實真係好凍, 　我地無病都真係好感恩, 明天又要影, 8-10度, 我地會唔會凍死上報紙?
祈禱、祈禱、祈禱....

教堂佈置

我同敏芝最近做左d research, 結果如下:

http://weddingart.com.hk/Banquet_p_c.htm
呢間係慧雯and wan 用過的, 靚, 不過比較貴..

http://picasaweb.google.com/deco.alu/ALuDeco#5416103905584461810
呢間係俏恩用過的, 價錢合理, quality ok, 可傾4日3夜

http://www.flickr.com/photos/gracewedding2004/
呢間係我朋友用過的, 價錢合理, quality ok, 可4日3夜...

http://picasaweb.google.com.hk/kart.bouquet/DIY#
呢間係我打算用的, 價錢平, quality ok, 可4日3夜...荃灣交收, $1200 按金... default items如有不適用的, 可換其他野...service 幾好..

其實我對呢d 野無咩要求, 我寧願留返d 錢俾自己去honeymoon 時用, 買下野都好...

依家問緊交收地點可否近我一點, 如果都唔得, 可能要麻煩朋友幫手車車野了, irene-san? 哈哈...

charming image fitting

之前揀好的紫色晚裝7/2 7:00pm fitting， 我地到達時已經係7:15pm, 之後好快地試了身和配了鏈上去睇一睇...嘩..好靚呀....條鏈...

之後師傅話我地要12/2攡衫, 21/2還, 因為中間有新年假...yee...咁我咪可以2日(16/2 and 19/2) 都有得用呢件衫囉...哈哈...感恩.

筷子工廠

話說之前訂回來的筷子已經有貨(特別嗚謝好友rainbow幫忙攞野,因為ken返左團契唔得閒, 而果日朝早好衰唔衰咁兩隻手臂都打左針, 痺痺地無乜力, 已經以為很醒目地帶定背包去載貨, 但d貨實在太多了, 分開3大袋先ok,背一袋, 手一袋, rainbow 再幫我揹一袋, 但之後揀鏈時, 基本上除左背包我自己揹外, 其餘都係rainnow幫我拎, 真係多謝晒..出外靠朋友呢句說話真係無錯)


到晚上返左ken家之後, 我地 (連同ken爸)好似工廠咁, 逐對逐對拎出黎睇有無問題，本來我都想懶懶地, 就咁望下外觀就算, 但ken呢次超級仔細, 仲高要求過我, 於是乎一睇就睇左粒幾兩粒鐘,幸得ken爸爸幫下手, 否則我12:00am 都未走得, 而且我第二日仲要返崇拜喎... 結果380對當中, 有38對有唔妥 (即10% defect rate, 在祖國出品下, 其實都算係咁), 佢地分別係大喜款- 15對, 小喜款- 8對, 龍款- 7對, 鳳款- 8對, 好明顯大喜款果批係出左d 問題.賣家話要3月先返到貨換俾我地, 其實就無所謂既, 最緊要肯換就得架喇, 遲少少無相干, 反正我地婚期係10月, 有排啦...
之後整埋個吊牌就ok了...


p.s. 最了第二日, 我左手都係可能用力過度, 打針位腫左...仲痛添...

買金器 (2)

話說之前睇左一轉, 大概都知道自己喜歡邊d 款and邊d 款within budget..:p

所以既然約得ken's 舊同事 (佢係周生生staff, 幫我地用員工價買, 手工 5折.)，就揀定一兩款黎個final choice.

因為聽過朋友既意見, 現有金器及姊姊的wedding example, 我就以以下既criteria 去揀：

1) 可以不要大牌, 因為已經有一塊
2) 不要一d 太空心, and 太窄身的, 未來99話無睇頭
3) 如果可以既話, 用埋黎做送客晚裝既頸鏈 (即現代一點, 不是龍鳳)，一來無咁waste, 二來未來99可能會開心d.

所以我就揀了我不嬲都喜歡的rose 款....而且重量 and 睇頭都唔錯架...哈哈...
又完成一樣...真開心.

CHECKLIST

見人地整checklist，自己又整下：

金器篇

23/1 的星期日早上，和媽媽飲完茶之後就會合ken、ken媽及ken弟一齊去睇金器，事前同爸爸同媽媽先screen了一些款式及大概價錢，去左唔同既金鋪看看款式，其實我覺得龍鳳手鐲的款式都差不多, 只係d頸鏈有唔同既款, 所以後來我都好主要係睇頸鏈款多過龍鳳手鐲。

本來在六福睇左一d款式都唔錯, 但我又唔想咁衝動咁快決定 (雖然我有vip card, 手工有5折 or 再低d)，同埋ken及ken弟話d手工好似麻麻地, 無其他金鋪咁好(雖然我就唔係好睇得出),所以最終都無買。

後來周大福的又覺得太貴(close to $30,000)or太平 (<$15,000)，唔合budget(加上我地又無vip card),故此最終我地都係去周生生度買(ken有舊同事在此店做, 手工有5折or更低)，最搞笑係去完周大福睇d貴野後, ken媽都唔多想望周生生既款式，覺得唔夠班, 後來我再仔細睇下, 都見到有一條既款式都唔錯, 拼上身都覺得唔錯, 唔太貴(~$16000+)又夠大睇。

睇睇款：http://eshop.chowsangsang.com/tradition.shop --> 66307N款

charming image 的外影晚裝篇

落實左影相日期後就要confirm charming image 的外影晚裝，因為我有其中一件係租既晚裝, 經過一輪"西"選，得2件合格，一件係藍色底襯黑色花的、另一件係plain 紫色既a-line款,經考慮著出黎既feel及晚裝類型(我件件衫都係tube dress, 得紫色果件係有吊帶)之後,所以就決定要紫色果件，而佢2月又未有人book. 所以就confirm要呢件.

結婚戒指篇

無啦啦去左婚紗展，無咩睇到，only睇過好多唔同款式的結婚戒指，一般黎講，我都比較容易揀到d 我戴得靚既，但要阿ken都like 同戴得好睇就比較難，所以揀黎揀去, 依家only睇中一對pn既結婚戒指。

在18k 與pt950中間，其實可以考慮的已經唔多, 因為pt 的太貴同埋d 人話唔可以改size, 但我問過pn既sales, 佢地話我地揀果對, 無論造pt950定18k都可以返新及改size, both 都係$300. 當然頭2年的保養就包返新。所以都唔係一個問題，但pt950的實在太貴，一般都over1萬元，而18k的就只係幾千蚊, 依家我地睇中既係$6,680, 有俏恩的vip card就平多$180. 比起我地原先既budget($5,000)就over左少少，但ken like就算啦....而且佢睇啱左就唔容易再轉喇...依家d 金平左d, 看來我地都要行動.

不過敏芝又send左個christian ring 既website俾我, 我地又可以去睇下先啦, 反正都趕唔切影相有得用...都唔駛太趕了...

喜字貼及喜字拉條篇

又係上網既時候，發現一個website，當中有d喜字貼及喜字拉條都比起我之前上其他website甚至2手賣家的平，於是乎我又忍唔住又揀下啦，今次真係花多眼亂，太多款式，而且都唔算貴, 所以我好快就sort out左d 出黎, 不過今次我唔想咁衝動，我問埋敏芝佢買唔買先, 如果買就一齊買先行動，而且可能有得平d 添，哈哈...

我諗之後最大既project 除左睇樓之外就應該係兩方家長及一眾姊妹的衫啦. 我預計要一段時間才可以睇得啱, 因為似乎佢地既要求都應該會比我高，而且人多就自然意見多...
敏芝話佢都有做d research，遲d去睇時睇下我時間啱唔啱，如果夾到就可以一齊去睇下啦...

雜款喜帖貼紙

上網遊下遊下, 見到有個剛剛結完婚的人放喜帖貼紙，於是就買左7張($5 each)，應該夠晒用.

有時我在想, 我是否買呢d 野買得太快呢? 可能第時有教會的弟兄姊妹送剩餘物資俾我呢? 不過見到又忍唔住想買, 因為買左既話又代表我要煩既野又少左一樣.