信仰與生活

話說從不知那時開始, 我開始習慣於內部會議上準備些小糖果，並且發覺這幫助討論氣氛及提升討論效果，昨天我上司問我：真的太好了，次次和你開會都有糖吃，你自己在office時都會吃嗎? 當下我的答案是：一時時啦...

但今日突然想起這個更好的答案：當我要"得力"時, 我會吃"得力素" (象徵那等候耶和華的必從新得力) ;當我要"喜樂"時, 我會吃"可樂糖" (象徵從起初原有的生命之道, 與父並他兒子耶穌基督相交，使我們的喜樂可以充足); 當我要"比蜜甘甜"時, 我會吃"潤喉糖" (象徵耶和華的道理和典章比蜜甘甜)。

Recent News

不經不覺已經無update個blog成個幾兩個月, 時間過得真係快, 除左可能新年的關係, 轉工, 去新加坡都係我呢幾個月既大事.

舊工作做到2/2就完左, 不過其實都忙到最尾果兩日, 我senior仲不斷叫我做野, 當然我亦唔會做遺自己同神個名, 做得到既咪做囉, 不過有d野根本就未confirm佢都叫我做, 坦白講, 有時我會認為就算我做完, 佢最尾都會左彈右彈唔滿意架啦, 都唔知做黎做乜, 不過如果覺得都對其他同事有幫助既, 咪做囉.

但抱歉既係, 原來最尾兩日派餅係會用好多時間, 雖然我已經盡量唔長傾同埋分左兩日派, 但還是派到好趕, 最尾仲唔夠時間同自己dept影相, 真誇張!

新年的假期亦比我想像中多野做, 因為今年兩邊屋企要拜年, 我家只和舅母, 姨姨拜年, 都係用左1.5日, 因為阿姨住得近, 所以都好方便. 舅母今年黎左我屋企, 坐坐看看, 都坐左一個下午, 兩邊親家又要飲茶, 好在連同舅母果餐一齊食, 所以都save到時間。阿ken果邊, 去左日大陸, 去左日馬鞍山, 本來想去一日macau, 但最後無去, 初三赤口就open左俾朋友, 結果, 新年假期就咁就ko左. 總算做左好多野同唔算太趕, 但就無乜2人時間.

食野方面, 可能新年真係食多左, 肥左. 而且今年訂左桂花紅豆年糕, 唔錯, 好清香, 又唔太甜, 又有咬口. 下年會keep住買.

轉工方面, 今次轉工好順利, 我同ken都好快就有新工, 兩個禮拜內搞掂晒, 我地都估神唔到, 神的恩典! 時間match到, 暫時我兩的工作環境仍算不錯。不過因為我依家係做社福基構, 工作文化同以前有些差別, 我又唔想俾麻煩人地, 所以好多野都學習中, 小心翼翼, 畢竟我有6個月probation, 我會盡量將問題變成我既機會, 盡量發揮! 雖然只是工作了一個星期, 我唔覺得自己有honeymoon, 我好多野已經自動波, 不過仲要再摸一摸索老闆的性格、習慣等. 同埋我要學政治智慧!

返新工前特別去左新加坡探家姐同bb, 真係開心, bb勁得意, 我覺得佢真係好似家姐, 尤其是笑既時候, 特別似, 真係餅印, 不過真係唔知邊個教佢, 依家佢成日pu口水, 俾佢噴到一面都係, 真係激死, 同埋個傻bb成日自己打自己, 用隻手仔係咁打個肚, 打到pong pong聲.又用腳仔踢地踢床板, 又係踢到bang bang聲. 帶佢去游水時, 覺得佢好似真係識得游咁, 隻腳仔勁正宗既蛙式, 開始覺得bb識游水既理論可能係真既...(但點解人大左又會唔識呢?)

家姐就因為work at home都可以照顧到bb, 但開左工就唔得, 有時我會諗如果唔係真係唔夠錢, 媽媽又點會捨得扔下這樣可愛的bb俾人地湊, 自己就要去返工, 總覺得見少bb一陣, 就會miss左d 重要成長歷程咁. oh...可能我中左BB毒! 遲d等bb黎hk, 我地再玩過, 到時應該識行, 又可愛好多.

有人...其實....我地

有人覺得我地好冒險...
有人覺得我地好勇...
有人覺得我地好大獲...
有人覺得我地好巴閉...
有人覺得我地好有信心...

其實...

我地覺得這決定已思量很久...
我地覺得這是最合適的時候...
我地覺得基本生活唔應該維持唔到...
我地覺得這也是信心的功課...
我地覺得耶和華以勒... (神必預備)

兩種主席....

一直以來，我都覺得崇拜主席是一件很重大的事情，估唔到做左兩年了，還是那麼緊張，上到台還是心震手震咁....今次仲要獨唱一次，自己都聽到把聲好震....真衰...

不過在此要讚讚ken啦，事關我之前一直掛住同佩詩夾，而唔記得左同佢夾，所以無講到俾佢聽我會點唱，不過kenken實在太醒目了，都做得好好...所以輝哥說，神給我很大的恩典，賜左kenken俾我，這話確是真的...

總括兩種主席，婚禮and崇拜，雖然崇拜主席我一年都做好多次，但不知怎的還是很緊張，回想我也很少對自己的事奉緊張了，可能其他的都做慣做熟，only執事and崇拜主席會叫我如此緊張...

唉....真係要多祈禱...

序章

在回想我們的經歷，愈想愈奇妙

對你頭一次的印象是哪次呢？大概是零六年在麗禾上堂時吧，還記得當年恰巧我們都準備往日本旅行賞櫻。各自出發到日本，回來後好像都沒跟你說過什麼話了。

大概零六年底的日子，我承擔了團契導師的事奉，沒想到我竟會在事奉當中得著了這份大禮物。記得第一次走到會議室準備開導師會議時，原有的導師們都在我身上發揮了他們大大的好奇心，我也只管答。忙於對答間，發現你也是導師，只是…我還在想"我認識她嗎？"後來一次會議之後回家的路上，沒想到我會跟你說了這麼多，有往事，也有想法。大概這次之後，我就多留意你了。

數月過去，一起事奉的日子很有趣，因為當中滿有困難，也試過有紛歧。或許就是在一起回家的路上、在一起面對的困難中、在處理彼此的紛歧時，我對你認識多了。好幾個月的日子，我都在留意你，都在尋索有關你的事。你有留意過我嗎？直到那時，我在想："她很好"，只是未想過要表白。這大概因為自己的執著作崇，務要把之前感情空白一年的決定完成，才再作下一步打算吧。有怕過因這份堅持而失去機會嗎？或許有吧，但當時心中的堅持比對你的好感大，所以一直沒讓愛情發生。

後來出現了競爭，我就進了半放棄狀態，還理性的給你送上分析和建議。這些日子，我為的是什麼呢？我也不太明白。既然不是想爭奪一番，就是想放棄；若是要放棄，就該收起對你的感情，只是愈是想收，卻愈是收不了，反倒對你建立了更深愛。當發覺這愛已收不了，我知道我已經不懂得如何作決定了。在祈禱裡，我就跟我們的神說："父呀﹗這次正中了我的弱點…我不知如果是好，求祂教我。若她問我有沒有喜歡的人，或是我發覺她是單身、沒有追求者，我就跟她表白吧。我在這些事上是多麼愚鈍，只懂得看見客觀的事。求祂在我能看見的事上引導我。"

又過了一個月，在一起出發到以色列的數個星期，我終於清楚知道競爭已不在了，於是我知我當實行我在主面前許的願的後半部 - 表白。何時呢？在哪裡呢？怎樣表白呢？一堆問號在腦裡運轉著，直至我們到了以色列，我還是毫無頭緒…

八天的旅程轉眼就過了。在回程的飛機上，你無意的一句"你有無話要跟我說？"，進到我耳中卻推動我說出了這重要的一句"其實，我喜歡你。"八天的旅程當中有不少景致宜人的地方，也有不少能兩個人靜靜相處的時間，這些都會是很好的表白環境。最終我卻在最嘈雜最不浪漫的環境下說這些浪漫話，感覺有點奇怪，卻又美妙。若沒跟你表白過，我想我往後的日子不會主動起來，我們現在也就不會走在一起了。

這就是我們的序章，一個令我意想不到地美妙的開始。