10個月的成長報告

10個月大的翎翎

單手扶住可以企，如全不扶, 3秒左右
依家食野好多元化, 有時粥, 飯仔, 魚, 會一起在飯桌食飯.
仲未經常食到6安奶, 仲要好多時間仲有剩20ml, 甚至更多...好似唔多愛食奶咁, 唔知關唔關出牙事.
成日都叫爸爸, 阿爸. 無叫媽媽 同 女麻 女麻, 但又唔係叫爸爸抱.
有時會同你byebye, 我返到屋企時佢會笑.
仲未可以自己瞓, 仲要抱, 不過有時我唔抱, 放在大床一起瞓都ok.遲一步我瞓大床, 佢自己瞓床仔. 一步一步, 希望慢慢佢可以自己瞓
用學行車扶住行來行去, 不過好心急.腳唔夠身快. 同唔太識轉彎.
出左2.5 仔牙仔, 上面佢既右手邊門牙出左d.
媽媽幫翎翎剪左前額d頭髮, 依家唔駛特別夾, 都唔會luk 眼.
唔食野時就會摔眼摔鼻.
鍾意disney world 隻dvd, 最like abcd, 同 what's in your basket 呢兩首歌. 聽歌會左右擺動身體.
會拍手.
好偶爾會錫錫我.

著地

2012.09.19 around 7:30am

今朝媽媽想幫翎翎紮下辮仔, 行開去攞橡筋, 咁就叫爸爸睇住翎翎, 當時翎翎在爸媽床上, 轉個頭, 媽媽驚見翎翎跌左落地, 仰臥式咁瞓左0係度, 媽媽當時嚇到呆左, 即刻抱翎翎起身, 翎翎當然即時爆喊, 媽媽估她是受驚了, 痛應該沒有. 媽媽都驚到喊, 之後看看翎翎檢查一下, 面仔有少少紅, 後腦有一點仔紅, 但按下去翎翎又無喊, 應該唔痛, 又摸唔到有腫. 翎翎喊左一陣就收左聲. 反面媽媽喊到收唔到聲...

但媽媽太驚, 一方面又怪自己點解要交俾瞓到睡眼惺忪的爸爸, 另一方面又擔心翎翎. 但99 黎左之後有安慰媽媽, 而且又見佢同翎翎玩好似無事咁, 媽媽都放心d, 但真係嚇到傻左. 以後都唔敢了, 都係放返0係床穩陣d. 今次太大意了... 不過媽媽都無嬲爸爸既... 爸爸有同媽媽講"對唔住", 想必爸爸都很內疚吧...

孩童奉獻禮

16/9/2012 是翎翎的孩童奉獻禮

孩童奉獻禮不等同於成人浸禮。浸禮是表明個人對信仰的認同及表白，而孩童奉獻禮是父母在神面前立約，承諾按照神的教導去養育小孩子，使她走當行的路，一生遵行神的旨意，榮耀主名。這也是父母對神賜予新生命的感恩，兒女是耶和華所賜的產業，所懷的胎, 是祂所給的賞賜。詩127:3

7個月成長記錄

7個月大的翎翎

6個月可以坐下, 但不太穩陣, 7個月就已經穩陣晒.
會自己拎住學習杯飲水
拖住兩隻手, 可以企身 10秒左右
就黎6個月時開始食糊仔, 6 個月後一日食兩餐粥仔
仲未突破到5安奶, 仲要好多時間仲有剩20ml, 甚至更多, 所以她的新花名係剩20ml
叫佢個全名都會有反應
有時隻手仔會好似同你say hello 咁
仲未可以自己瞓, 仲要抱
通常都係為左瞓覺自爆喊, 好少因為食 / 濕左而喊
換片時成日走左去
鍾意玩濕紙巾盒、凡士林, 水等
放紗巾在她頭 / 面上, 會識得拎開佢
媽媽同翎翎講"好野"，翎翎會笑
6個月打針時燒左一次, 最高都係38.2左右
手指仔都算靈活
開始扶住d 野想企身
爬前爬後轉角度都無問題
仍然不時bu 口水
沖涼會自己坐0係度拍水, 玩得超開心
媽媽買左20+ 個夾仔俾翎翎夾頭髮....好開心

第一次生病

31/07/2012

第一次生病

今朝阿女食得唔係好多奶奶, 同埋見佢有d 咳. 之後返左工, 奶奶打黎話bb 仲有d 鼻水添, 但就無發燒, 問我地駛唔駛帶bb去睇醫生.

我同ken都覺得如果bb 仲精神, 無燒, 唔太呆的話就由得佢先, 可能佢自己會好返. 不過要留意下bb 有無出疹, 因為聽好多媽媽講話bb 去完健康院後出玫瑰疹.

最後當天晚上都係去左睇醫生，拎左d 五顏六色的藥返去, 用針筒餵食藥好辛苦, d 藥又苦, 而且自此之後, 翎翎唔肯俾我用針筒jit 肥仔水添呀, 以前肯架嘛....唉...

4個半月成長記錄

突然想為翎翎記錄多一d 成長記錄, 4個幾月的翎翎b

- 很喜歡和女麻女麻玩, 會大笑. 都喜歡和爸爸媽媽玩既...不過笑得無咁開心.
- 識得同人玩，開心時會笑到卡卡聲.
- 抱抱會自己GUT 起身俾你方便D 抱佢 / 伸手俾你抱
- 依家已經唔會叫肚餓, 淨係扭眼瞓, 要大喊, 要人抱就會易瞓D, 有時玩到累, 打側會容易D瞓, 有時抱佢瞓左, 放低佢時, 佢都自動打側瞓, 所以左邊後腦的頭髮稀疏D :S
- 之前以為佢出牙, 下面有一點白色野, 不過依家又無左, 醫生話可能係水泡之類, 無事WOR
- 打幾次針都無燒過, 叻叻. 只係好似累D, 要瞓覺覺...
- 依家食得好少奶, 因為4-5個月既生長期係咁wor, bb 會自己調節飲幾多, 如果佢推開支奶, 用條脷頂出黎, 又或者個身向後拗, 就唔好逼佢食, 發脾氣了....
- 夜晚果餐奶有時食1-2安only, 跟住又嫌我地阻住佢瞓, 大叫發脾氣.
- 成日叫, 唔知叫咩... 無意思的.
- 依然淨係食櫻桃型奶咀, 其他成日噴出黎, 櫻桃型都有噴,不過噴少d 啦.
- 99 有逗佢去廁所，多數都ok 既, 有時唔開大都開細wor, 不過媽媽我未試過逗佢去...哈.
- 轉身可以扖轉, 但有時隻手仔壓住左. 不過呢幾日 (~17/6)可以拎返出黎喇, 不過都要好辛苦下先拎到出黎. 趴著的話，會識得轉，而且有時會挺起個pat pat.
- 早上醒左會叫...但唔係喊....呀呀呀呀咁叫. 但又會有高低音, 真係好似講緊野咁.
-開始手多多，會伸身摸放在面前的東西, 左手交右手 / 右手交左手都無問題.
- 鐘意捉住自己腳仔, 但未放入口.
- 有時會自己拎奶樽, 但被佢推走既居多. 鍾意捉住我地隻手指飲奶.
- 一時時like 飲水, 但鍾意媽媽用針筒餵佢食肥仔水.
- 未開始飲果汁, 但就黎會俾apple juice / apple 蓉 / pear 蓉佢試下食.
- 媽媽買左healthy times 既brown rice 糊仔, 7個第2個week 俾佢食, 到時5個半月.
- 依家用緊尿布, 一日可能只係用1-2塊片片, 慳好多. 不過要洗尿布囉...
- 嘔奶情況依然有, 食左肥仔水多左疪放, 但都係嘔奶.
- 鍾意食手, 多數食右手.
- 依家飲5安奶, 但要分兩次飲, 飲一半多數要停.
- 13.7lbs. 姑娘話重得幾好. 咁佢唔飲奶我都由佢了.
- 唔知係咪大脾仔真係咁好肉, 坐落bumbo chair 度要我地用手mark 開張chair 套脾仔個位先坐得落. 如果俾我再揀, 我會叫richell 吹氣果張, 一來大d, 二來可以收埋.
- 唔鍾意打橫抱, 要打直抱, esp. 扭眼瞓時. 但有時媽媽會唔俾佢揀, 有人抱仲要揀, 唔得咁扭計.
- 開始流口水，又愛玩bu口水，口水肩經常濕了一半，一日都要換幾條口水肩.
- 一眼瞓就lui個頭在你身係咁摔. 又或者自己用手仔摔眼.
- 夜晚通常9點到瞓, 到12點左右被爸媽換片片, 俾面既話食多少少奶.
- 出街鍾意周圍望, 仲識得避開太陽, 拎開面仔去無太陽晒果邊, 勁醒.
- 瞓低時, 有時會被自己的口水「逐」親.
- 半夢半醒時很愛笑，有時還笑到卡卡聲，有時都會扁咀.
- 扭計時扁咀, 但媽媽覺得好得意.

寫住咁多先, 媽媽要做野... :p

跟人....

呢幾個星期bb 開始揀人黎跟, 之前爺爺抱都唔得, 係要奶奶. 到昨晚連我抱都大喊, 係都要奶奶抱先唔喊, 我真係勁hurt, 勁唔開心, 生你出黎咁辛苦, 晚晚都飛奔返黎同你玩, 照顧你, 你居然連我抱都大喊?! 男人話"痴＂唔"痴＂你呢樣野, 唔會影響同阿女既血源關係, 呢樣係改變唔到既事實, 覺得已經足夠! 我聽完佢咁講之後都稍稍釋懷左d....或者如果我都試下咁諗, 自己會睇得開d 既...但我絕對唔會完全唔插手, say, 昨日朝我同阿女講, 我要你朝早起身第一個見到既人一定係我... 哈哈哈哈... (雖然後來佢見到奶奶即刻笑, 見到我都無笑.... ) p.s. 今朝見到我有笑, 但見到奶奶笑得勁d 囉.... :s

臨瞓 7 件事

1) 換片片
2) 餵 bb 食最尾一餐奶
3) 洗奶樽
4) 分好奶粉俾第二日奶奶用
5) 煲好第2日用既水
6) 幫bb 整被夾夾住張被
7) 洗 & 掛好bb 紗巾 & 尿布

特此記低.... 免得忘記

任務

翎翎b出世前，媽媽已經為你團購了一本相刪製作，現在差不多要開工了，而阿詩姨姨又送左佢團購個優惠俾我地，5月7日下午2點可以去影靚靚相喇… 要諗諗點搞先.

翎翎b

翎翎b 是怎麼形容呢? 一出世的時候，我是有點失望的，因為看上去好似唔多靚女咁，但現在慢慢看來，好可愛極了。哈哈… 我不懂看她究竟是似我還是似爸爸，但肯定的是100%的人都說她的咀似我，其實似邊個都無所謂既，最緊要佢健康、可愛、快樂就可以了。

兩個月的翎翎b 其實都好乖，食得、瞓得、疴便便都ok 啦，而且依家已經開始講野、笑、抬頭、食手指、玩手指… 好叻叻呀…媽媽愛你。

坐月

這兩個多的坐月生涯比我想像中忙，以前總是以為有這麼的長假期， 一定可以做好多自己喜歡的事情，可是事情並沒有如我想像的發展，一天裡，不是要湊b的時間， 一係就係食、泵奶、沖涼、休息，是的， 休息都是一種task. 偶爾會上上網， upload bb 相與朋友分享。

不過在坐月期間，幸得兩邊父母的幫忙，令我的身體及生活都好好多. 先說老爺奶奶吧… 有一次教會傳道人問，bb 出世了，誰人最開心? 我和ken都異口同聲的說是爺爺，他真的很喜歡翎翎，可能因為他本身只有兩個仔，沒有女兒， 所以特別喜歡女孩，又或是滿足他當年沒有機會抱bb 吧… 據奶奶說外子和他弟弟小時， 爺爺因為工作關係，沒多大機會照顧bb. 而奶奶呢，她要照顧我一日三餐，又煲薑醋，又煲湯，薑飯、代茶等，真的很辛苦，天天來來回回的，所以當別人說我精神好的時候，我認為都是奶奶的功勞，真的很難得，只是有時奶奶要返去準備我下一餐時， 而bb 又扭計，我還得自己湊bb， 無得瞓。而我爸爸媽媽就全天候照顧我吧，除了一日三餐，她們在的時候，我總是可以安安心心的去瞓覺，真爽!

屬甚麼????

一轉眼， bb 已經兩個月了， 準時的翎翎於27/01/2012 8:39出世， 重2.735kg， 人們總是問我翎翎是屬甚麼的，我就會反問，你是用年初一計還是立春? 如果是計年初一， 她是小龍女， 如果是計立春， 那她仍是兔女。而爸爸的答案更加直接了當，他會回答說：她是屬神的。

我是媽媽?!

翎翎出世了，生活就起了變化，老實說，湊bb的生活我是蠻享受的，我不覺得辛苦，唯一要適應的我覺得是你的時間不再是你的，而是bb的。所有的時間都要相就她，那當然這情況應該隨著她年紀大一點會有改善，但暫時還得遷就她一下。翎翎最愛扖在媽媽肩膀上睡覺，媽媽也愛翎翎在自己身上 (如果手腕唔痛的話更好)。
至於湊bb，我一向不覺得自己有甚麼問題，雖不是很熟手，但我覺得自己還是弄得不錯，其實很多時都是得自己一個湊bb，我覺得都ok 既，雖然如果bb扭計就辛苦d，不過都唔多時候係咁既…所以換片、沖涼、餵奶、掃風、氹瞓覺都ok。掃風係攰d 囉，都ok 既… 唯一唔係好做到既係餵人奶，但都無計。

若翎

若翎出世一個多月，不斷被問的就是幾個問題：
習不習慣當上了爸爸？
小孩子叫什麼名字？
小孩子的名字有什麼意思？

每當被問「若翎」的意思時，總覺得自己解得太多次了，就想慧筠幫助解釋一番。但由於之前blog 裡所寫的意思太初步，已經跟我心中現在的解釋不同，而慧筠又不知這解釋（原來之後無update 過慧筠？），所以結果還是要我不斷解釋。我想我還是在這裡寫下這篇來解釋「若翎」的意思，免得我有天忘記了。

記得當初定下「若翎」這名字時，概念真的十分初步。然而後來翻查相關經文時卻有更深感受：
以賽亞書 40:31 但那等候耶和華的、必從新得力、他們必如鷹展翅上騰、他們奔跑卻不困倦、行走卻不疲乏。

想到鷹要展翅上騰不是依據鷹自己大力拍翼向上飛；鷹要乘風上升是依靠羽毛製造更大的上升力；又想到在舊約中「風」也有「神的靈」的意思，加起來就成了一幅圖畫：

風（神的靈）藉著羽毛（若翎）的工作，叫鷹（教會）展翅上騰。

願神使用若翎，叫教會展翅上騰。

29 days to go

仲有一個月唔夠就要生喇，背痛依然存在，不過 bb 都算乖，其實我都唔知咩叫唔乖，總之無令我有咩唔舒服就ok，背痛係因為重量增加，所以我又覺得唔關 bb事，唔通叫佢唔好重咩...

1月13日就放產假，老公可能都可以陪我，其實我都覺得幾開心，可以一齊經歷呢個過程，唔知 bb 會幾時出世呢... 會唔會殺我地一個措手不及呢? 定係佢會過期居留呢? (好似佢表哥仔咁...)

物資上就一早準備左好多，依家要幫佢地各就各位，我已經成功將爸爸的衣服踢走，用晒黎放 bb 野，only 留返一小格drawer 俾佢，不過在另一間房的 5 格drawers就暫時都全部屬於爸爸的。所以都 ok 啦，係要重新習慣下去邊度攞衫著啫...而我自己 d 衫既擺位都大調動，將 d 夏天衫放去會被 bb 床 block 住既位，d 要用既先放出黎。

薑醋 99 已經煲左兩煲，依家話要封口，遲d 再落埋d 蛋及豬腳就ok.

工作方面，我就盡量想完成手頭上的工作，尤其是果兩個access program，雖然唔係好想變做一個programmer，但如果我做少少野可以幫到同事改善流程，都算係我既一個achievement. 做住先啦，產假返黎再重新定位。

20/1/12 - 25/1/12 我家姐都會帶埋阿b 返黎，到時會住在我家，咁都好，有多個人照應下，又可以見下阿 b，到時爸爸媽媽一定會成日過黎添，哈哈... 很熱鬧啊!!!

http://www.pregnology.com/faralong.php?month=1&day=27&year=2012

6 weeks to go

仲有六個星期就預產，身邊不時都有人問我緊唔緊張，我既回應都係"唔緊張喎"。其實而家呢個stage既我係咪應該要好緊張呢？

其實都唔係完全無可能發生既問題，例如到時預期天氣會好凍，又唔知阿女會唔會玩野掉頭；但呢D 野又係一D 不能控制既野，唔到我地緊張。既然要買既野又買左，野都執後七七八八，而家都只係等生。

而家比較令我擔心既係慧筠既背痛問題，令佢無論在哪都唔坐得耐，坐耐左就痛。可以點呢？幫佢揉，試過，作用不大；叫阿女唔好咁大件壓住阿媽D 神經線？又唔會咁期望架嘛…真係唯有祈禱求神救救慧筠。

名字 (3)

唉...改名果度, 本來我之前想叫雅言, 但我爸爸一聽就話唔好..
話 讀歪d 變 "牙煙" 或 "啞口無言" wor, 而且ken 又like 佢自己改果個多d
等我仲諗住可以跟表哥仔"言"字輩...所以依家又要改過.

bb, 你幫下爸爸媽媽啦...
但名字真的很重要, 代表天父對你們的心意及召命, 所以一定要再認真求問神先得...

名字（２）

昨天在想名字, 純粹從我覺得幾好既字去諗, 我想到叫“蔡穎嵐”、“蔡希妍/言”, 但又無咩意思.

其後想到表哥仔叫尚言，女女也可跟著言字輩, 結果想到了“蔡雅言”, 意思是優雅、美麗，說造就人的好話, 也有儒雅的言行.

屬靈意思：
弗4:29 污穢的言語一句不可出口，只要隨事說造就人的好話，叫聽見的人得益處。

其他意思：
1)　察納雅言 ─ 考察採納正確的意見。
察納：考察採納。雅言：正確意見 (正言)
《出師表》：「諮諏善道，察納雅言。」

２）　儒雅，《漢語辭典》解釋為兩義：一，學識深湛，二，氣度溫文爾雅。其實，這兩解也是互為因果關系的，只有學識深湛，才能真正做到氣度溫文爾雅；而氣度溫文爾雅，則是學識深湛的外在表現。儒雅風度，不是裝腔作勢，故作高深；不是掉書袋，亂矯情。儒
http://hk.knowledge.yahoo.com/question/question?qid=7009030100417

３）　词语：儒雅
　　读音：rúyǎ
　　英文：learned and refined
　　词性：形容词
　　近义词：文雅，温文尔雅，优雅，典雅，文气
http://baike.baidu.com/view/487816.htm

但2) 同 3) 解釋傾向形容男仔, 係咪呢??

if refer to ken 9月9日的blog: 我只希望子女健康成長，做一個"在神眼中看為正的"人。這樣雅言也有"正"的意思!

而如果有第二個產業，也可以跟著叫希言、康言、納言 (納言敏行, 形容謹慎)、敏言、敬言、慧言...最算容易配...

5-6個月

有了bb 這5-6個月, 除了比較眼瞓外 (真係係好眼瞓)，其他都無咩特別異樣，我自己又唔覺得食多左野 (可能不嬲都食唔少)，但至少現在我未沒有出現食左一個飯仲覺得肚餓果隻，今日去茶餐廳個飯我都食唔晒添。

bb 已經開始郁，郁左3 weeks 左右吧... (9月尾開始)，初時唔多肯定係咪佢定係自己d 心跳...但依家就肯定好多喇, 連ken爸爸都感受到了，不過bb 唔係成日郁俾ken爸爸feel，可能因為ken爸爸無乜講故仔俾bb聽，哈, 慘慘!

bb 通常食完野會郁得多d, 同埋在我轉身時 (sleeping) 會郁，可能佢都要adjust 下佢在我裡面的姿勢吧...郁時左右兩邊都有，唔知邊面係手邊面係腳呢... 下次睇doctor 時問下佢既姿勢先.

諗諗下, 依家都10月，仲有3個月佢就黎, 雖然依家預產期改左27/1, 不過都好快過, 唔知佢真正係幾時出世, 新年前 or 後呢?

bb, 到時表哥bb 都會黎探你呀, 真開心! 很熱鬧，yeah!

名字(1)

知道懷著的是一個女兒，接下來我的重大任務就是…為女兒命名。這任務還真艱鉅，因為要改得好聽、有意思、又不給人誤會的名字實在有難度(還好我不是姓吳，不然就得花更多的功夫了)。

第一個入圍的名字(亦是暫時唯一入圍的)叫"若翎"。這名字的意思是：

1. 好像羽毛一般的輕柔、一般的美
2. 好像羽毛一樣，看似很柔弱，卻能幫助鳥乘風展翅高飛

父母太都希望為子女改一個特別的名字，甚至想要一個獨一無二的。然而現今世代什麼名字都有人改，哪裡還來特別得來又好的名字呢？好的名字都被用得不特別了。"若翎"這名字也有人用，上Google 找一找也可找到一些。不過再想一想，還是算了吧，那些人還真太遠了，但求自己圈內不太普通就算了。

在我記憶中，最近的名字只是填詞人"林若寧"。填詞人都用同音的筆名，大概這名字聽入耳的質素也有點保證吧。