仲有六個星期就預產，身邊不時都有人問我緊唔緊張，我既回應都係"唔緊張喎"。其實而家呢個stage既我係咪應該要好緊張呢？
其實都唔係完全無可能發生既問題，例如到時預期天氣會好凍，又唔知阿女會唔會玩野掉頭；但呢D 野又係一D 不能控制既野，唔到我地緊張。既然要買既野又買左，野都執後七七八八，而家都只係等生。
而家比較令我擔心既係慧筠既背痛問題，令佢無論在哪都唔坐得耐，坐耐左就痛。可以點呢？幫佢揉，試過，作用不大；叫阿女唔好咁大件壓住阿媽D 神經線？又唔會咁期望架嘛…真係唯有祈禱求神救救慧筠。
1 則留言:
我只係希望到時唔駛痛咁耐，可以順順利利生佢出黎。
爸爸真係要記熟下個分娩過程，幾時/痛要用咩呼吸法，可以幾時叫姑娘俾氣我聞 / 打止痛針咁 (唔係無痛果隻)。
而且希望你到時陪到我啦，生之前及之後兩個媽媽既安排都係我擔憂之一，自私d 講，依家係我生，我當然係想自己媽媽0係身邊，就算唔係要幫手做 d 咩，起碼自己個心安 d，感覺良好d。
依家就黎放假，仲要 plan下 d 工作點安排，又唔想咩都做唔到，但都幾趕 (突然間)，仲要唔知真係需唔需要坐坐下月被人call 返工開會，到時就下情況點，去唔到都無計。
發佈留言