慶生

今日老細叫左同我一齊合作過既同事一齊食飯同我慶祝生日, 我都好開心, 佢真係對我幾好! 仲私人pay 左個bday cake 錢, 不過我都要識做, 回下禮, 免得招人妒忌!

每一份工都有老細同我慶生, 都算唔錯!

明天後天澳門之旅, 要玩得開開心心!!!

Coupon的代價!

原來用coupon是有代價的，前文提到我用coupon食薯條，食完之後的那天便發現左邊額頭上多了一名不速之客，它的名字叫“瘡瘡”，仲要係好大粒，變左白色果隻，其實我次次食熱氣野都好大機會出“瘡瘡”，唉，點解人地美國人成日食都無野，我第一次食就咁樣，仲有一張coupon未用架，點算?!

Mortgage

Mortgage 的東西已經搞得7788, 依家揀左恆生, 多謝朋友及同事們的意見，現在的offer都ok啦, 不過不失, 上星期和同事又傾起另一個問題，佢地話每人都有10年的時間去claim 層樓的免稅額，所以佢地話夫婦2人獨自一人claim 免稅額會係最抵的，即一人10年claim返你俾左既利息做免稅額，不過依家d 息咁低, 佢地話都無報到，諗住遲d加息時再報返，不過佢地話每次都會compare下加左同未加housing 免稅額既分別黎決定報唔報。And 同時另有同事指出如果拖得太久，你借的本金續漸少，所以利又會自自然然低左，所以真係要計計條數先知。

聽完之後我覺得好複雜… 都好難計得咁盡知道幾時係最抵，只係有女同事指出，首10年俾老公own 間屋，之後10年and onwards 既ownership 就係佢架喇…哈哈哈…大家都明白嗎?

法國 - 揀相

23/12/2009

昨天揀相, 用了$5,000 (主要是兩本相部的coating, 另加4張相@$130及將大相部upgrade至有排版)

1. 大相部 coating + 排版 $3900
2. 小相部 coating $350
3. 加相4張 $520
4. 另2張相coating $230
5. all with softcopy...

我都磨左好耐都唔confirm, 但佢都唔肯減, 而我見已經11點, 我唔想令fds搞到咁夜, 明天又要返工,所以都係答應左.

果兩個影相and design fds 真係幫我"西"走好多相...由203張到42張...肥少少, 眼神怪, 個景唔靚, 重覆既...全部"西"走..

因為有排版的關係, 所以around 23/3先有sample俾我地過目, 5月有貨收.另我已問佢借相版, 今日應該會收到.

不過男人真係在這些關口靠唔住, 又話幫手堅持, 一d 都唔阻止, 而且我地好乖地為做好見證 (我其實都有d 想,但主要係ken唔俾啦), 一張都無偷影

特別鳴謝200及jackie仔的幫助!!! 無得頂....

p.s. 哈哈...不過全晚最驚喜的，竟然唔係我地d 結婚相...(秘密)

王燕凰 farewell dinner

星期日和ken舊團契小組食farewell dinner，話說我們完了下午的老人院探訪及與自己小組下午茶後便乘72x出去旺角了，但不知怎的，我兩都好像十年無瞓過覺一樣，上車無耐便抱頭大睡，結果….又是睡過龍遲左落車，本來要在朗豪坊下車的，結果差唔多到奧運才醒來落車，好彩還不算太遠，之後就行番去朗豪坊，其實類似的情況已發生多次，有次ken送我回家，差唔多又返左車廠，唉，我成日都話，如果第時得我地一齊住，又無人會叫 or 嘈醒我地，我地可能會成日唔知醒起身返工或是星期六瞓過龍無返到團契，真大獲!

不過依家d 後生都成日遲到，等左差唔多半粒鐘先有人來到，我仲比人笑我連個餐牌都背熟了，激氣! Anyway, 王燕凰呀王燕凰呀，你要俾心機讀書呀，快d返黎….
至於其他人呢…都傾左好多野，願你們每人都感覺愉快，神的話成為你們腳前的燈、路上的光。 加油! Ken ken 都要加油!

當亞當遇上夏娃—威E的警世寓言

QUOTE FROM 50套教會必睇電影(13)／陳榆
http://hk.myblog.yahoo.com/GCF-HK/article?mid=140

都幾agree...
esp. like 佢講：大多數男人都“take it for granted”地assume D女人一定鐘意自已！ａｎｄ　女人叻過男人，這是上帝創造的原意.

因著押比疊的好介紹，所以我走進電影院看威E。很多人話悶，其實，他們就是不明白威E一個人孤孤單單替它的造物主管理世界就是這樣苦悶的嘛！威E基本上是《創世紀》的狂想版，不過它比《創世紀》更現實，因為原因極之簡單，我們讀《創世紀》通常都是一廂情願，永遠從男性角度看世界。舉一個例，《創世紀》講亞當見到夏娃時：「這是我骨中的骨，肉中的肉，可以稱她為女人，因為她是從男人身上取出來的。」大部份解經家告訴我們這是個“compliment”，總的一句就是：「正」。我卻時常問自己：「咁夏娃有無話亞當“正”呀？」既然無，大多數男人都“take it for granted”地assume D女人一定鐘意自已！

威E好就好在這部電影講出原本充滿摧毀力量驚人的Eve如何在「過程」中慢慢接受威E。我不嬲都認為女人叻過男人，這是上帝創造的原意，所以Eve其實勁過威E合情合理之餘，的確可以“幫到”威E。威E令我想起《菠蘿油王子》麥炳掉低麥太借劉德華把聲講：「玉蓮，我走啦…我從來不是白馬王子，無殺過恐龍，上天給我一塊地土，我攪到一片荒蕪…」荒蕪是人自己造成，沒錯，威E是一部講環保的電影，但威E的威力不止於此…

事實上，“人”被上帝派去管理大地的使命從來沒有因墮落而改變。試從旅遊的角度去想，香港人去旅遊，發覺水質差了，就換一個更乾淨的地方，但他們從不想想那地方的水質是自己有份去污染的。有影評說創造的另一邊就是毀滅，那只是反省的片面，大家還記得梁朝偉和劉嘉玲結婚的地方不丹吧！能夠被喻為世上最後的香格里拉是因為每年她只收五千個遊客來保護自己的地土和文化！唉，其實要救地球，只要不過份生產就是了，因為「貪婪」依然是今日地球面對的問題。
i–phone的出現提早預示了人類在虛擬世界中的終極命運—威E裡面的人因為太肥，自己坐駕又太快，所以索性將自己坐在太空椅上睇“mon”的習慣變成接觸世界的唯一舉措。「乜呢度有泳池咩？」「嘩！外面有煙花睇呀！」—因著意外而沒法看到“mon”的“人”突然發現就在自己面前原來有一個真實的世界！最近，我發現有許多人很羨慕地鐵有人揸i–phone用手指拖來拖去，但我卻有興趣睇地鐵的人走來走去。上周末到台灣，最深刻的是在繁忙時間，地鐵長長的扶手電梯左邊就只有我們幾個香港人匆匆忙忙的拾步直上，右邊的台灣人似乎在問：「你地好趕呀？」

星期天因拜訪台灣導演劉議鴻的關係，到他的教會聚會，唱詩時聽到一首我想香港職場基督徒要認真去學的歌：“Be still and know that I am God!” 威E頭四十分鐘的沉默正正提醒了我們要「Be still」，不說話也能看世界、看電影、認識神。

人是要回歸的，自己一手創造出來的垃圾也不是一無事處。威E一邊處理垃圾，一邊拾荒當寶，在狹窄的空間中締造出不一樣的天地，最後它找到了幼苗，成了人類回歸的希望。我愈來愈發現人不願意回歸是因為他們不懂得也不想處理自己的垃圾（mess），逃避了那麼多年，積污成垢，誰不知上帝也可在這些“mess”中啟發了生機。威E裡面的人避了五百年，你呢？
我喜歡威E的結局，因為上帝終會給我們一個奇蹟！

星期日和kenken去睇wall-e, 他很喜歡‧看得入迷之餘還不斷扮wall-e and eva. 很可愛。

的確，呢次wall-e 呢套cartoon又唔錯既... 講單純的愛情外又講環保, 又講運動的好處...

有時候，人心太複雜, 反而不能義無反顧地愛另一半, movie 中本不該知道甚麼是愛的Wall E，也為了愛而衝上太空。但我們人類呢? 又能為自己的愛人做些甚麼?

story:

身為最後一名「廢物整理機械人」（地球型號）的威E，在全人類大遷徙後的污染地球上，獨自執垃圾執足700年，一直盡忠職守從未詐病吞pop，當他以為自己要做到down機才可以榮休之時，卻遇上總部派出的最新型號超級機械人Eve，更因而發現自己原來身懷影響宇宙存亡的重大任務，立即緊隨Eve向太空出發！

Polo HongXing

有一日兩個人行尖沙嘴
途中見到前面一個內地遊客，手上拖著一個行李箱，上面寫著"POLO HONGXING"
這行字對上有一個標誌，一個人，騎著馬，手裡拿著一枝東西，睇落好似Polo 的馬球標誌
內心再看一看，標誌上的這個人，手裡拿著的原來是關刀…
這個標誌今人聯想起"三國志"遊戲裡面的單挑場面般，是用側面橫向的畫面
發現之後，呆了一下，再跟她說，叫她留意一下這個行李箱
兩個人都呆了…然後笑了