有人...其實....我地

有人覺得我地好冒險...
有人覺得我地好勇...
有人覺得我地好大獲...
有人覺得我地好巴閉...
有人覺得我地好有信心...

其實...

我地覺得這決定已思量很久...
我地覺得這是最合適的時候...
我地覺得基本生活唔應該維持唔到...
我地覺得這也是信心的功課...
我地覺得耶和華以勒... (神必預備)

不得不blog

星期日，一班SST 莊員上左新居黎個Housewarming。上來不久場面已變成兩個戰場，一邊是Deal，另一邊是Winning。我開頭都玩左兩鋪Deal，但之後好自然地就移師Winning。

同場玩Winning 共四人，包括我。其他三個當中，一個(阿豪)似乎經常在家打Winning，另一個(Gary)似乎正在爭取買機，最後一個(Peter)是不怎樣打機的。或許因為阿豪真係玩得太多，換來未婚妻(Cindy)一開始已經不斷怨"聽聲都聽到厭"，Gary 的太太(Irene)則因為見到我能夠在電腦打Winning 而說"係囉，唔洗買機啦，電腦打咪得囉"。

更有趣的是當阿豪入波時，Cindy 竟然大叫唔好入；當阿豪被攻時，則為對手大叫加油。相反，當輪到我玩時，慧筠就說了句加油，結果換來阿豪的一個"你太太真係賢淑，真係Sympathy"，全場大笑。慧筠當然十分賢淑，又加上婚後我都沒有時間投入打機，以至慧筠對我打機的感覺不太負面，以致當下相映成趣。

晚飯時Cindy 看到慧筠銀包裡的一張合照，說"阿Ken 很少笑得這麼燦爛"。其實，看到上面的經歷，不難理解我哪來這個燦爛笑容。

"得著賢妻的，是得著好處，也是蒙了耶和華的恩惠。(箴18:22)"

她是神給我的大恩惠。

唔開心----虛驚

唉也....我昨天好唔開心呀, 話說我打算搵返d 結婚相出黎晒相做相架俾雙方父母，點知我發現原來在夜晚婚宴既時候，我搵唔到我地各自同自家人影既相，以為無，仲有我地同埋雙方親家d相，淨係搵到d 大合照，ken果邊都係，我明明果日都有問左好多次, 有無相未影同埋有安排到程序雙方家人各自影相, 點解都會無影到?
last(金色晚裝)時, 送晒客之後我都有拉我屋企人幾個影相, 叫做有淨係我地自己家人既合照, 但已經唔係carol & ken 果個背景喇...

唉...我都知我果日會好忙, 乜都顧唔到，所以果日我都有叫人幫我地按教堂程序call影相, 不過其實我唔記得有無人幫我call過...

不過後來發現，原來處驚一場，係有既，只係我昨晚可能太累，一時睇唔到。我拿拿聲打返俾ken，叫佢唔駛幫我搵人執相, 因為之前佢安慰我話睇下執唔執到張相出黎，即在有埋我uncle佢地果張相中執走佢地幾個, 淨係我地幾個咁囉...

不過始終敬酒同各自父母影果張相，男家果邊ken爸又合左眼, 女家果邊我媽又望左去第2度，唉...都係唔正既相...又要睇下執唔執到.