今日奶奶買左個蛋糕俾我地慶祝結婚週年，本來我地都唔諗住慶祝，竟然叔叔同奶奶會幫我地慶祝，奶奶仲要買佢自己唔食既朱古力味 (但我老公鍾意), 不過其實佢話佢都唔太like 食cake / ice-cream / chocolate. 但知我地鍾意食就買.... 我都同老公講, 奶奶細心過你呀....哈哈...
我成日都同老公講我地真係要珍惜老爺奶奶，坐月時奶奶照顧得我好好，依家又幫手湊女湊得好好唔在講, 仲要煮飯洗碗加做一些清潔 (洗廁所、收衫、摺衫、拖地咁)，而且仲幫我地買埋d 日用品；而老爺呢，就包辦一切裝修、維修既工作，好似最近安窗花、冷氣機滴水、又周不時保養下d 門、去水位呀咁... 如果呢d 野唔係有佢，老公唔識既話就要搵出面d 人整，要花錢不在講，如果要跟進勞氣先煩&慘，依家係可以勁放心乜都唔駛理 (窗花錢都好似未俾返佢添 :p) 真係超級感恩...
