2009 婚展

本來打算8/11 (sun)去婚展的，但剛剛撞左見雄&wan既婚禮，加上ken又有個舊莊員結婚(何文田堂的)，所以我地依家打算7/11完左團契後去了，但時間很趕, 也未必足夠我地睇我地想睇既野，又好似上次咁, 趕頭趕命咁, 最憎, 但無辦法!

必睇items:
1. 婚紗晚裝款from各大小公司 for pre-wedding and wedding day
2. pre-wedding 夜景既選擇and 效果，以便confirm法國果邊
3. 化妝price and 款式
4. 小禮品price and 款式
5. 花球price and 款式


必confirm items:
1. 美心餅咭
2. 花車
3. 法國pre-wedding expo優惠, 因我地之前已落單, 但優惠仍可追回

1/11/09 找嫁衣日

本來今日既target 只係睇下兩間百利既wg and eg, 一間叫couple、另一間叫charming image，第一間係我地正正式式睇wg 既第一間，所以我地都唔敢輕舉妄動，不過本來我諗住好幫得手既爸爸，唔知係咪食左藥太累的關係，睇到中途就走左，得返ken及媽媽陪下我，無幾耐媽媽都陪爸爸走左，得返阿ken陪我，結果我地好準時地3:30前走人, 因為要去另一間試, 不過想不到2間鋪就在正對面, 媽媽感覺有點唔好意思，但我反而就無乜野，因為我估佢地都慣晒架喇, 成個mall都係買呢d 野，唔係去呢間就去果間架啦…

不過在第二間睇既時候，我第一條試上身既wg已經好喜歡，因為佢隆重得黎閃，我最like 就係閃，有幾可咁浮誇呀, 所以果日就要去盡d, 但ken 就like 絹面既, 感覺上grand d wor, 雖然都係既, 高貴d, 但唔夠閃嘛, 教堂有成個幾鐘都係睇你後面, 所以個後面靚唔靚我好重視，而我又唔like 前面有一條條橫帶既設計，所以依家我睇中果件就符合晒我既要求。

之後睇既eg 又幾靚，choices 亦很多，sales 嘉琪so far介紹既款式我地都十分喜歡，態度又好好, 個人覺得佢sell我地既時候，有時都好似小妹妹咁尷尷尬尬，都幾得意，雖然男禮都係果d 唔算話特別突出, 但ken 計過overall package都算平，而且之前我做過research，呢間既comments都幾好, 款式多, 新淨, service 好 (呢個ken最concern)，仲有夠平! that’s why we confirm them afterwards la…雖然我都知道我地係好早confirm，但佢可以俾我地每件都轉款一次，咁就當我地早d 攞個平價，但enjoy 出年既新款囉…(唯有咁安慰自己 :p)

最終package items: 1WG + 3EG + 2男禮 / 1男禮 + 1伴娘 (其中一件EG可轉在影pre-wedding時用)

不過pre-wedding (2) 既衫仍然係未解決，因為找200佢地影既話要自己租衫, so 又要繼續searching啦，target 在4/11睇既thanks giving and fairlady，仲有之後既蒙羅麗莎及華麗邂逅，應該都ok啩.

Thanks giving 既衫雖然係平, 但online choose eg 真係唔係好得, 睇下到時有無驚喜啦…如果無, book呢間機會都好微…

褂

今次又係用酒樓送既coupon book免費褂，間野叫 “金鳳凰”，在tst的，不過今次既目標好清淅，就係唔會自己俾錢出黎! 結果亦都achieve到，yeah!!!

問左媽媽，褂係金絲銀線既貴d 同輕身d(加入300-800不等), 但我本人就覺得珠片款較閃，所以最後我就choose左一件珠片款，其實講真我覺得都無乜人會留意呢件野，著又著一陣only，so我都唔太care，平平地 (直頭唔駛錢) 搞掂佢就算，我不如save返d 錢for wedding and evening grown好過…哈哈..

不過呢間野都有d wg, eg and 男禮既，但款式就唔係好得，而且我覺得好舊，求其試左幾件唔同既款, 睇下個feel就算，out晒…$12803件既package睇怕都join唔到，連姊妹裙我都覺得唔多掂…

相遲d ken 幫我upload啦…

Pre-wedding (1)

這次pre-wedding係用酒樓送既coupon去book，本身其實諗係去聽下有咩offer先, 點知突然發現我地好似好遲都未book咁, 人人都話我地遲，於是就俾多d 耐性，聽埋佢既offer，睇下接唔接受到囉..

不先既package係$4,188，包好少野，但係後來佢sell我地個package就俾多要$5,688，一個九龍塘景加一個外景 (自選, 依家應該會choosenight shot, 因為200幫我地影果d 係日景會比較方便&好)，雖然事後有點後悔點解join，因為反正都要俾多5千幾蚊，我都唔駛用酒樓張coupon啦，而且之前聽人地講法國d service又唔係好得，會勁屈錢。

不過依家都book左就無辦法啦，都唔知係咪因為我地係人地就收工時去book既關係，結果好多offer係佢自動講晒出黎，我地一d 都無問過，因為我地根本唔係好知，我地由8點幾9點去到, 結果最後要10點左右先走人, 那位serve我地既sales 姐姐叫sammy, 態度ok, 但俾我地搞到好遲先收工囉…真係唔好意思喇…

Package 既優惠遲d先補返啦…

婚前輔導 (5)

這次最主要是就一些特定的topic進行深入的discussion。
不過其實我地都無乜諗到d 咩，因為有好多野之前果幾堂其實都已經discuss過，say 生仔、理財、姻親關係等，所以在choose無可choose的情況下我地就choose左個人計劃及婚姻與性。

不過淑賢姐見我地咁, 就主動同我地再review一下之前傾左既野, 再深入d 問多2問，因為婚姻與性佢建議我地先去做bodycheck，通常佢地都會俾隻cv你返去睇, 睇左有咩問題/唔明再問，所以就唔傾住, 而剩下既題目都唔係咁多，所以過程順利。

只係中間個人計劃ken原本想下年開始搞創業已經俾我band左，因為佢工作已經咁忙，已經會無時間搞結婚，仲要加多一樣野，我當然唔制啦..當我傻架咩…

仲有生仔果度，深入地討論過領養既問題，個人是可以接受的，不過這是目的的問題啦，究竟係為有下一代, 定係要為有小朋友呢? 而ken 比較focus的是下一代既問題，所以領養係解決唔到呢個問題。而人工受孕又如何呢? 個人都係無問題既，我又唔覺得有咩信仰上既衝突既…

所以之後我就book左24/9 去家計會做bodycheck喇，抽血 + 27-11見醫生解釋報告，每人盛為$750. cd就拎左返home睇…

919 求婚日

今日係2009-09-19, 共有3個9, 希望都有個好意頭啦....

等我記低返呢件咁有意義既事先....不過要date back 返去2009-08-19....

2009-08-19:

事原今日我生日, 去左海洋公園玩就大家都知, 但果日除左玩, 其實內心心處仲"expect"會有一件事發生...

因為事原在確認10號半後(我介子既size)，以為人地會好快有行動, 但點知一路都無喎, 心入而諗, 唔...可能想等我生日先搞啩, 結果我一直等, 一直等...

到左生日果日, 因為放野入ken背包既時候, 驟眼看見一個手飾店的袋, 阿ken仲要十分緊張地搶返個包包自己放 (應該是突然想起有d 野在背包, 怕我發現, 哈, 但我其實已經發現左). 不過之後一直都無行動, 而ken當日又唔舒服, 結果無按到他的原定計劃去high class restaurant(去左食池記), 無送花俾我, 所以就咁就放棄左無0係呢日求到婚喇...

之後我一直等啦, 心入面仲懷疑唔通我睇錯? 明明買左ga...唔做野既?

2009-09-19:

結果就在9-19團契旅行日後, 我地去左食culture shock, 一間在大埔貴貴地既restaurant...但食既途中, ken 不知怎的突然有好多電話 (平時邊有咁多人揾佢ya, 所以smell到有d 古怪!!!)

食完野後就送我去take 75x 喇, 但當行到明雅苑樓下時, 突然有一大紮花放左在花叢邊，依........咁既.... 心裡想係咪有人在附近, 一直周圍望睇下有咩人, 費事做左d 咩俾人笑, 話晒導師黎嘛...樣衰咪大獲?!

結果就揾唔到人既....ken 就話：想當年, 即係1年幾前啦, 我地在呢個樓下, 曾經有個人好眼瞓, 又曾經有個人突然間唔知點解好多野想分享，結果在我出色的演技下我仍然很耐心的聽他的分享，他在想如果第時當我們結婚後仍然可以咁有耐性聽對方說話, 那就是一件很好的事情, 也可以免卻很多爭吵....所以他選在這裡求婚啦...

之後當然是指定動作：為我戴上戒子啦...

就係咁, 就搞掂左喇....yeah!

後記：不過收咁大紮花真係唔係好爽, 除左唔環保之外, 每一次又拆packing, 插菅花瓶都用左我1-2hrs, 我又要store左好多包花既靚紙, 因為就咁掉晒佢又太waste, 以我咁節儉既性格當然會save起佢, 第時送禮物時用黎包, 咁結果, 我又要做一d 額外的清潔工作!

終於都BOOK左喇

搞左咁耐, 終於都BOOK左酒席喇, CHOOSE 黎CHOOSE 去, 都係百樂門, 不過之前心大心細究竟係MEGABOX 定係尖東呢...

MEGABOX係無柱, 但地點又無咁便利, 而且後來發現有D 位都可能係睇唔到台既....再加上那個17萬的MIN. CHARGE 真係令我地有D頭痛，加上那個接洽既同事又無尖東阿KEN姐咁熱心同細心, 所以搞黎搞去最後都係去返TST.

雖然之前有人放2010-10-10但好可惜已經夾唔到教堂, 咁即係唔駛諗啦...但我地真係從來都無諗過2010-10-31 係哈佬喂...完全無呢個意識囉....UNTIL AMAZING GRACE 果度同我地講....哈哈...

KEN 姐始終有經驗, 見慣大場面, 雖然有D位企得好硬, 但都知道佢都盡左力俾D 好D 既OFFER我地架喇，當然啦, 最重要係有2個好朋友幫手, 由馬灣趕出黎幫我, 真係超級多謝佢地!

TST 既OFFER 都係D STANDARD 既野, 唯一唔好係果個商場真係有D 梅梅地, 而且泊車又要去第二度WOR, 所以真係要同D GUEST 講清楚, 費事人地去錯地方就唔好意思啦...

雖然TST 個場都有一條柱, 但都叫做就到位既...不過最搞笑/氣結既係KEN都唔知/記得他爸媽那邊的圍數囉...真係激死左...最後都係CHOOSE左11席送1席既優惠 (IF NOT 就$4888@), 希望有33圍啦...咁先會抵...依家用2009年菜單(2010年的雖然表面上無貴到, 但就縮左水, 依家$5188@ + $200任飲包果汁先生), 這裡今天就盛為3萬蚊訂.

估唔到今日一入左九展場, 一坐就坐左3粒幾鐘無郁過....直至最後10分鐘, 叫做係咁易走一個圈, 竟然俾RAINBOW見到AMAZING GRACE, 仲要幫我問埋GRACE果日有人BOOK 未, 而我同阿KEN仲傻下傻下咁游緊...跟住竟然又CHECK 到阿GRACE 2010-10-31未俾人BOOK喎, 咁就梗係拿拿聲CONFIRM 啦, 結果又坐多半粒鐘, 雖然GRACE既PACKAGE要$5388, 都幾貴, 比起佢2007年既$3688已經貴左$2000, 但見個個都讚佢讚得咁利害, 呢$2000 就算吧啦....最緊要係唔駛我勞氣, 又唔駛做更多的RESEARCH....簡單黎講係唔駛煩! 今天這兒下訂金$1000. 其實我又幾LIKE佢地有禮物送....YEAH!

結果，就係咁, 今日在九展就CONFIRM 左2樣最重要既野, 酒席AND婚攝, 之後同有一樣野就係化妝，依家仲1516緊, 都唔知邊個好, 如果D 人話MAGGIE YEUNG 好, 咁又信下人啦...試過就知啦....可能找PUI WING 幫手姐妹及兩個媽媽吧....

之後既野應該唔會好似酒席咁要考慮咁多野架喇...不過多野要搞囉...