新屋相...2

新屋相...

拆毀有時 建造有時

拆牆起牆的成果

Progress as of End Sep

30/09/2010

好耐好耐無打blog, 因為真係好多野做...

工作方面：
呢輪工作都唔多開心，其實都無乜點開心過, d人唔多好, 就算唔計我上司, 其他人都唔多好, 有卸膊的，有做到傻的，有發脾氣的，唉...其實有時都會理解佢地可能因為太忙, 所以發脾氣啦，但心裡總係唔舒服...
算啦, 我去意已決, 仲有少許日子, 捱埋佢啦.

婚禮進度方面：
13/9 攞埋d教堂邀請咭後，已經積極入帖，入左兩晚之後, 依家就忙於派帖，約下呢班friend, 果班friend, 我同ken各自進行，都好開心可以見到一班好朋友聚一聚，因為平時都比較少聚埋一齊，都無乜人做搞手，點解我識親d朋友都無人做呢d搞手? 我又唔係呢類性格，不過高興既係大家即使唔係經常gather，但一約親傾計既時候又都好開心，一方面緬懷過去總帶絲絲回味，另一方面，又見大家話題已變感到大家都大個仔大個女...所以感覺好得意!

另外媽媽已幫我約舅母俾帖佢同表哥，仲有派餅餅俾表姨媽，我自己要再搵阿姨，同約一次阿叔飲茶俾帖佢同表弟!

小禮物既吊牌印好之後，就有勞一班團契仔女幫我地勾在禮物上，不過我地都想等新屋ready先叫佢地黎整, 一方面唔駛拎黎拎去, 另一方面都等大家活動得自由點.總之就辛苦晒啦.

其他安排上：
15/9：成長片段文左相，大概04/10有得拎dvd
襟花、手花：一部份問敏芝/教會借及另外買多5-6朵
兄弟姊妹會：26/9 gather左一次, go through左rundown，大家一齊幫我check下有無錯漏，very good!我仲要執埋晚宴份rundown.
姊妹會：佢地自動波
父母片段：我交左俾阿ken做, 希望佢做到啦.
教堂程序表： 之前差最尾一句, 依家應該差唔多, 10月第二個星期印啦, 應該好快有.
新睡衣、新床單： 未買

過大禮

12/09/2010

這日一朝早過大禮，d野其實上一個星期買左，準備過, 但又話未過農曆7月，又話唔好, 咁我地費事俾人講足十年，所以寧願買左冒住過期既risk都好, 都過埋7月先過。

結果12/9朝, ken拿著兩大袋禮物來, 同我爸媽、grandmom and 叔叔一齊飲茶, 咁就過左大禮喇....

簡單到暈...

禮物清單大致如下, 都係我既意思：

海味: 瑤柱、花膠、鮑魚
茶葉、四涼果、生果：用利是代替
禮餅:奇華金雅喜一盒、加3張唐餅咭
禮金：包羅萬有利是 ($xxxxx)
對聯

其他附送禮物： 鮑魚汁、xo醬、油一支

Progress

02/08/2010

wedding:
1. church rundown已交倩婷初步睇過, 應該唔大問題，加埋經文及詩歌歌詞就ok. 不過詩歌歌詞係國語定廣東話就交ken作最後決定及處理.
2. 姊妹裙會於8月8日下午去選款及俾訂.
3. 媽咪衫諗緊好無下星期六(7/8)去大陸睇料, 度身訂造. 但我都要諗諗點造先可以去.
4. 擬結婚通知書星期六已申請, 17/8後可取文件再交牧師.
5. 帖都揀左, 待我們簽字作實, 確定數量後就印得. 2個星期左右有貨.


house:
1. 星期六去揀過下d 料, 下星期六再入大埔同ken爸一齊睇, 希望可以買埋就confirm左佢.
2. 濾水器要睇睇以決定d 喉位係點. 洗衣機, 微波爐, 煮食爐同抽油煙機都要決定.方便度位
3. 傢俱/其他電器sort of 簡單.

禮服篇

31/07/2010

星期六我已選的婚紗、迎賓、敬酒衫. 送客的衫係金色的(之前買的). 今次應該final了.

件婚紗係泰絲料, 好"令"身, 同埋有泡泡的關係, 所以望落去好立體. 而前面我喜歡它有心形胸口位, 可以遮住腋旁的墊肉, 另外衫身有小蝴蝶同埋粉紅色彩珠, 所以望落去會有d 顏色及得意d, 多d野睇, 租衫果度話"公主d"喎。其實本來都有考慮過要一件好閃的, 雖然當下睇會好靚, 好grand, 但又怕影完出黎後會無野睇, 所以就要左之前果件。

迎賓的禮服, 本來想揀一件粉紅色的，覺好好cutie. 但後來都想有件唔同顏色tone的禮服(因為敬酒的禮服已是紅色的), 所以依家揀左一件藍藍綠綠的, 下身有d 飄逸、動感d. 而上身都閃既...感覺比較fresh d.

至於敬酒的禮服，本來有兩件都幾好, 一件係西式閃石有小拖尾, 另一件就係呢件有d中式款, 都係有小拖尾, 兩件各有各靚, 後來都係揀左中式款的, 感覺mix and match一d. 而且胸口位有d小珠仔, 行起既時候有d 動感.

男禮的也選了. 一黑一白, 比揀我的禮服快好多, 因為無乜得揀, 哈哈.
所以都係果d common野啦, 無乜特別.

相就唔upload了, 保持神秘感!