放假先黎病…

無啦啦又病左幾日，"放假先黎病"又一次應驗…
由廿五號的頭痛，到現在的咳
藥都俾我食左兩排
廿六號去迪士尼時已經keep 住唔舒服
本來今日定好要去赤柱，結果一早起身時還是因為感冒未清而取消了

後來筠同家人去左睇"葉問"
我一聽到話睇"葉問"之後立即問"吓？唔係話無興趣咩？"
話說有次我話"好多人話葉問好睇，我都幾想睇"
但筠話"通常呢D 打武打片我都無乜興趣"
所以我之後就無提話去睇呢套戲
筠似乎聽出我有D 唔開心，就話唔睇住，等埋我先睇
但唔通同爸媽講"Ken 想睇，所以唔同你地睇"咩？
最後我都係叫筠同番爸媽睇，反正自己少睇一套戲又沒甚麼損失

等我過左呢幾個月大忙人生活後，希望可以多一些和筠四處逛吧

今年聖誕

今年聖誕節,我會和kenken去迪迪尼,我十分期待呢,雖然無人帶我們進去,也沒有折扣,但我想我們還是可以很開心的,因為只要我地兩個一齊,就會好開心。

昨天和kenken去買了錶錶,是不是很奇怪呢? 為什麼今年年中kenken生日時我買了新手錶給他,現在又要買呢? 這是因為有一次kenken送我回家時,在巴士上遺失了手錶,kenken很不開心呢,連考試也沒有手錶用,那怎麼可以! 所以珍現在聖誕節,大家又有時間出去逛一逛,便去買錶給kenken了,其實都好驚kenken會揀唔到,事關佢要求都幾高 (佢話所以佢揀我喎 :p) 好彩到最後,kenken揀到了一隻黑色的錶,真想不到他竟然會喜歡黑色的,咁前衛唔多似佢風格嘛,不過都好既,好彩同埋佢一齊出黎,如果唔係都唔知點買俾佢... 依家kenken得到想要的,我又唔駛諗,一舉兩得! kenken現在最想的是甚麼? 就是人地問佢幾多點了,哈哈...合不嚨咀呀....哈哈.... 最緊要同最想kenken開心...

至於我的聖誕節禮物 ---- 燕窩是也?! 不過未買....

似乎我地都幾實際,一早講定自己要咩,哈哈..但咁都幾好呀,雖然無乜驚喜,但得到自己想要的,又唔駛對方waste 錢買左一d 自己唔like既野,不過..........................................我仍強調,適當的驚喜也是必須的.....

麗花大飯店

KEN媽生日，我們一家(爸、媽、我)被邀請一起去麗花大飯店食自助餐，由於一早出去飲茶的關係，我地一早已經READY左在銅鑼灣，雖然KEN一家未到，但7時正我們已經安坐在麗花大飯店等食了。

麗花大飯店是一處跳舞的地方，食野只是小配角，人來到都是不斷跳舞，爸媽及我當然沒有跳，只是坐著看，KENKEN當然也是啦，最緊要KEN媽開心，而我又發現原來KEN的幽默原來是遺傳自爸爸的，口甜舌滑的，氹得KEN媽也很開心，不過KENKEN話佢有過之而無不及喎...哈哈...睇下點....

很想記下：
昨天有花倫同學、番版王賢誌及朱朱....哈哈.....當然唔少得仲有老笠歌啦...
KENKEN，我留番首老笠歌俾你寫...哈哈...

海角七號

話說又有COUPON到期，於是我和KENKEN又去左睇戲，今次去左睇海角七號，雖然有D唔係好明，故事太多條線，KENKEN話有D似LOVE ACTUALLY. 我無睇過，所以NO COMMENT. 不過佢地算係一套愛情片，但我喜歡茂伯多D，超搞笑! 佢真係好掂，最喜愛他的角色及對白，搞笑又生鬼，找馬拉桑來彈BASE時更是搞笑，將BASE剪左2條弦得唔得呀，月琴得2條弦，茂伯唔識彈喇....你貓哭老鼠喇.....你咁直接, 國寶茂伯會傷心喇.....哈哈....太多經典對白，不能盡錄。

六十多年前，台灣光復，日本人撤離。一名日籍男老師隻身搭上了離開台灣的船隻，也離開了他在台灣的戀人：友子。無法當面說出對友子的感情，因此，他把懷念與愛戀化成字句，寫在一張張的信紙上。六十多年後，台灣的樣貌早已完全改變，各個角落的人為生活而努力，幾個活在不同角落的小人物各自懷抱音樂夢想：失意樂團主唱阿嘉、只會彈月琴的老郵差茂伯、在修車行當黑手的水蛙、唱詩班鋼琴伴奏大大、小米酒製造商馬拉桑、以及交通警察勞馬父子，這幾個不相干的人，竟然要為了度假中心演唱會而組成樂團，並在三天後表演，這點讓日本來的活動公關友子大為不爽，對這份工作失望透頂，每天頂著臭臉的友子也讓待過樂團的阿嘉更加不高興，整個樂團還沒開始練習就已經分崩離析……

兩種主席....

一直以來，我都覺得崇拜主席是一件很重大的事情，估唔到做左兩年了，還是那麼緊張，上到台還是心震手震咁....今次仲要獨唱一次，自己都聽到把聲好震....真衰...

不過在此要讚讚ken啦，事關我之前一直掛住同佩詩夾，而唔記得左同佢夾，所以無講到俾佢聽我會點唱，不過kenken實在太醒目了，都做得好好...所以輝哥說，神給我很大的恩典，賜左kenken俾我，這話確是真的...

總括兩種主席，婚禮and崇拜，雖然崇拜主席我一年都做好多次，但不知怎的還是很緊張，回想我也很少對自己的事奉緊張了，可能其他的都做慣做熟，only執事and崇拜主席會叫我如此緊張...

唉....真係要多祈禱...

IR 婚禮後記

好朋友(小學同學+組員+b/s) irene 同roderick 結婚的大好日子，我成為左佢地教堂婚禮的主席，正如當初答應要求時的心情一樣，我覺得能夠見證到好朋友咁開心咁值得懷念既日子，我都好開心，所以能夠參與也是我的榮幸，而且心裡更想，崇拜的主席都做過啦，婚禮的應該差不多吧....

那天一早我便回了大埔，因為早上要做埋最後一次的body massage，之後就約左煜均、熊穎、俏恩去買2札花，irene要送給雙方家長的，但事關我覺得自己taste麻麻地，所以就請一請槍....:p 我覺得自己最有taste的一次就是揀了kenken，哈哈哈哈....ken ken 睇到實好開心呢...

之後經過煜均姊妹及俏恩姊妹的指揮下，花店老闆娘終於紮好兩札花，一札用馬蹄蘭襯太陽菊，另一札係香水百合(較傳統，我地覺得配irene媽媽多d)，而馬蹄蘭果札就較活潑，配roderick媽媽多d。雖然我一再強調，等新人自己分配啦，好似最終都係咁樣分d 花...哈哈..

之後到了教堂，比我想像中有點細(雖然唔係未去過)，坐滿了人，牧師有少少一時一樣，一時又佢行前，一時又我行前...唔...令到我都有d亂，不過最後還是我行前，因為其實佢都係想體貼我，坐在較近台的椅子，不用我走來走去，所以還是謝謝何耀基牧師啦....

開始了，按我原先定好的時間及程序表開始，一切自開始後便澎澎聲咁過去了，我預計的時間也差不多吧....很好....一個小時很快便過去了，我覺得自己第一次做主席都算唔錯啦....最搞笑係原來淑賢姐又是第一次在人地婚禮上祈禱，戴生也是第一次做婚禮的訓勉，就係咁，我地大家既第一次就獻左俾irene 同roderick.

過程中，roderick 最搞笑，一來好少見佢咁正經咁企響度，二來，佢成日都唔記得歌詞，事關我都會望住佢地唱，佢就顯得好尷尬喇...哈哈....但點都估唔到既係......irene在宣讀誓詞時已喊到收唔到聲，哈哈..傻妹..
不過又話說在台上，戴生衰衰咁問我：係咪好期待呢??? 跟住我咪答佢：我相信我總有咁既一日既......係咪呀, kenken??

當天kenken係兄弟之一，忙著走來走去的kenken很charming，真係超愛佢....哈哈...
不過當天由於我沒替自己想好當天的行程，而kenken又忙於做兄弟，所以一時間我都唔知去邊好，大軍又走左，好彩有俏恩陪住我，志沖都係兄弟，所以我同俏恩兩個就相依唯命啦，路上我們都傾左好耐計，都好開心可以有呢段時間....

不過下次真係要為自己plan下了，我真係覺得人呢...少d planning都唔得，會waste左好多時間.
kenken也要記得就算不能為我安排甚麼也得提醒我一下嘛...不過今次算啦，你最近咁忙，我唔怪你啦...

晚上婚宴也差不多吧...roderick的自彈自唱，都ok啦...irene收貨就得啦，確實不用是完美的，反而我還是蠻期待kenken帶給我的驚喜會是甚麼呢? 難道就是......................................沒有驚喜?! :(
kenken坐在我身邊我很開心，能為他夾餸都係好開心的事，不過tommy就慘d ，fring 不坐在他隔鄰，我地無人記得幫佢夾，哈哈...都話老婆好好同好重要架啦....

最後好彩有輝哥送我返屋企，事關星期日我又要做崇拜主席了，如果kenken完了手上的兄弟事務還要送我回去再自己回家, 佢都會幾大獲，因為他星期日還要幫我按powerpoint的.所以輝哥就救了我們一命了，11:40已經回到家....感謝主...

我的Ken - 滄海遺珠

滄海遺珠
曲：謝國維 詞：黃偉文 編：謝國維

大眾也喜歡珠光寶氣　沒有空完全明白你的美
只得我望見你　 關起了心扉　猶如合上貝殼的傳奇
若世間疏忽從未細味　 讓那些蠢人庸人嫌棄你
切莫讓人影響了你　 信仰你的真理

＊如滄海深處埋藏著遺珠　　其實你好處個個也不知　
唯獨我先可以　明白上帝構思　於沙礫裡找到璀璨珍珠　
人家冤枉你平凡悶孩子　　但是你心思我不信　
無聊沒意思　沒有人識得欣賞　
但天知　誰可以

＊大概這種非一般的美　慧眼太少旁人未賞識你
因此你極客氣　差點算謙卑　從來沒對愛有所預期
若世間疏忽從未細味　 讓那些蠢人庸人忘記你
要是別人都不愛你　有我這邊等你

REPEAT ＊

你是誰你是誰　可有地方發亮旁人忙著誇獎色相
沒有空管你的修養　惟獨我留下拍掌

如滄海深處埋藏著遺珠　其實你好處個個也不知
唯獨我先可以明白上帝構思 於沙礫裡找到璀璨珍珠
人家冤枉你平凡悶孩子　但是你心思我不信　無聊沒意思　
就算誰都不欣賞　但偏偏　我可以