生仔 生仔 生仔 生仔 生仔 生仔 生仔 生仔 生仔 生仔

28/3 - 第一次婚前輔導

今日的婚前輔導，我和ken都遲到，真係sorry!

第一次做婚前輔導，心情都幾緊張同興奮，唔知道淑賢姐會問我地咩問題呢?

在了解相識、了解、動心、表白、拍拖、衝突、化解的過程中，我和ken都再一次review我們的關係，雖然只是短短的一年，但我地既感情都幾穩定，都無乜大衝突，哈哈...

之後淑賢姐就問我地對結婚的期望，我地都係答d model answer 啦... 不過我又估唔到ken的答案咁堅持，雖然一直知道他很想有小朋友，但他竟然將生仔放在第一位，令到我都有點突然 (shock)，原來真的這麼重要嗎? 咁如果生唔到咪好大獲? Either 佢有問題 or 我有問題，搞到我都有d壓力，之前ken說：結婚唔生仔結黎做乜?! 原來係真既…

而且kenken 又說他想打破一些原生家庭的框框，淑賢姐都說這個想法不是錯，但要改變都要與對方配合才行，我覺得這舍 point都很重要。

之後淑賢姐又問我地點解要同對方結婚，理性的ken及我都列出了很多喜歡對方的條件，但我們都將愛放到最後，所以淑賢姐就話如果當對方無晒呢d條件時，我們愛的基礎是否仍然穩固呢???

今堂的功課是看一些關於婚姻的書以更了解婚姻是甚麼一回事以及多在屬靈方面多些一起祈禱及屬修，以達致大家在信仰上同步成長!

王燕凰 farewell dinner

星期日和ken舊團契小組食farewell dinner，話說我們完了下午的老人院探訪及與自己小組下午茶後便乘72x出去旺角了，但不知怎的，我兩都好像十年無瞓過覺一樣，上車無耐便抱頭大睡，結果….又是睡過龍遲左落車，本來要在朗豪坊下車的，結果差唔多到奧運才醒來落車，好彩還不算太遠，之後就行番去朗豪坊，其實類似的情況已發生多次，有次ken送我回家，差唔多又返左車廠，唉，我成日都話，如果第時得我地一齊住，又無人會叫 or 嘈醒我地，我地可能會成日唔知醒起身返工或是星期六瞓過龍無返到團契，真大獲!

不過依家d 後生都成日遲到，等左差唔多半粒鐘先有人來到，我仲比人笑我連個餐牌都背熟了，激氣! Anyway, 王燕凰呀王燕凰呀，你要俾心機讀書呀，快d返黎….
至於其他人呢…都傾左好多野，願你們每人都感覺愉快，神的話成為你們腳前的燈、路上的光。 加油! Ken ken 都要加油!

第一個情人節

今年是我和KEN的第一個情人節，我又豈會不緊張呢? 之前因為天氣涷，所以已經提早送了USB暖腳寶給他，之後我便進一步預備我的情人節CARD及大利是!

估不到KENKEN 13/2 那天因為公司ANNUAL DINNER有得早放，就預備好去左買花，然後送過來我公司，真係SO SURPRISE...花花很美，但仍比不上KENKEN為我預備的心思美，實在太愛KENKEN了，他對我也真好! 之後他便回了CITY 做功課!

14/2 當日約左小組及一班新朋友去BBQ，感謝主那天的新朋友有很多(KENNY，慧筠 (VICKI)，SANDY，SARANA，LING，LING2)很開心呀....希望下次漁夫之寶都見到佢地...也傾計傾得很開心...不過因為住得遠，玩到10:45左右就要走...

不知道KEN喜不喜歡我給他的大利是呢? 這是我對他的關愛之一，實在感到他太辛苦了，要好好地照顧他....就在這最小的事情上下手....

說了這麼久，應該也到KENKEN在14/2送給我的第二個SURPRISE了，就是之前行街看到的耳環一對，2很華麗的，他知道我喜歡吧...便買了給我....15/2一起去看幽靈奇俠，我的感覺是“怪怪的”，沒有甚麼形容詞比這個更好...成套戲無論係劇本、人物、拍攝手法都是怪怪的，說是出自漫畫喎，這麼說來這套漫畫都一定要怪怪的...

最後只想說，KEN，我愛你，我要與你共渡很多很多的情人節......好嗎?

RICOH

感謝神的恩典及帶領，讓我可以繼續留在ricoh這間公司裡，最緊要可以做番一d自己喜歡做的事情，另一方面，積極參與公司的活動，令我也得著不少好處，單單是從公司的員工活動開始，我參與了golf 班，帶左爸爸同媽媽去玩，一種如果唔係公司搞我唔會自己俾錢去玩既活動，仲要同到爸爸好媽媽去試，有正式教練教，真好!另外，兩次的魔術班及看戲的活動都令我得到不少歡樂! 當然不得不提的還是環保logo設計比賽及slc 投稿，令我額外獲得ricoh r10相機一部 (價值$2500左右)及百佳$1200 coupon，很開心!

而今年的annual dinner 仲抽到獎添，有54/90獎...雖然係一半位置，但都叫做係10份之一既機會黎架...都好好架喇...係mont blanc既卡片包，雖然依家無咩用，但睇下放唔放到出去先...
總之，我會繼續努力工作及參加活動，這間公司及部門真係唔錯，工作性質啱我，老細上司同事幾好，位置又ok，福利又幾好。
如果身體有事既話仲可以睇下西醫or中醫，調理下身體，反正又係公司包，唔駛錢既....你話係咪好正呢...

當面的責備強如背地的愛情

原來聖經內有十九次提到愛情兩個字，當中一半在雅歌
雅歌中大都是描寫欣賞和讚美
又原來箴言中也有提及過愛情，共有三次
當中一句的的意恩跟雅歌裡的很不同，是提到當面的責備
原來愛心責備比自由放任難，真愛比溺愛難
特此勸勉自己

「當面的責備」就是我們真的能夠把別人的錯誤，不隱瞞、帶著愛心智慧的來責備。可以說當面的責備是一個表達出來、不是背地裡的，而且一般人不會覺得那是愛；當然我們也承認當面的責備不一定都是愛，但如果真是講到別人的缺點而對他有幫助，這是一個愛。我們很難做到這一點；不僅是當面的責備不容易做到，我們也承認常常願意聆聽這樣的責備，也很難辦得到。
Reference

放假先黎病…

無啦啦又病左幾日，"放假先黎病"又一次應驗…
由廿五號的頭痛，到現在的咳
藥都俾我食左兩排
廿六號去迪士尼時已經keep 住唔舒服
本來今日定好要去赤柱，結果一早起身時還是因為感冒未清而取消了

後來筠同家人去左睇"葉問"
我一聽到話睇"葉問"之後立即問"吓？唔係話無興趣咩？"
話說有次我話"好多人話葉問好睇，我都幾想睇"
但筠話"通常呢D 打武打片我都無乜興趣"
所以我之後就無提話去睇呢套戲
筠似乎聽出我有D 唔開心，就話唔睇住，等埋我先睇
但唔通同爸媽講"Ken 想睇，所以唔同你地睇"咩？
最後我都係叫筠同番爸媽睇，反正自己少睇一套戲又沒甚麼損失

等我過左呢幾個月大忙人生活後，希望可以多一些和筠四處逛吧

今年聖誕

今年聖誕節,我會和kenken去迪迪尼,我十分期待呢,雖然無人帶我們進去,也沒有折扣,但我想我們還是可以很開心的,因為只要我地兩個一齊,就會好開心。

昨天和kenken去買了錶錶,是不是很奇怪呢? 為什麼今年年中kenken生日時我買了新手錶給他,現在又要買呢? 這是因為有一次kenken送我回家時,在巴士上遺失了手錶,kenken很不開心呢,連考試也沒有手錶用,那怎麼可以! 所以珍現在聖誕節,大家又有時間出去逛一逛,便去買錶給kenken了,其實都好驚kenken會揀唔到,事關佢要求都幾高 (佢話所以佢揀我喎 :p) 好彩到最後,kenken揀到了一隻黑色的錶,真想不到他竟然會喜歡黑色的,咁前衛唔多似佢風格嘛,不過都好既,好彩同埋佢一齊出黎,如果唔係都唔知點買俾佢... 依家kenken得到想要的,我又唔駛諗,一舉兩得! kenken現在最想的是甚麼? 就是人地問佢幾多點了,哈哈...合不嚨咀呀....哈哈.... 最緊要同最想kenken開心...

至於我的聖誕節禮物 ---- 燕窩是也?! 不過未買....

似乎我地都幾實際,一早講定自己要咩,哈哈..但咁都幾好呀,雖然無乜驚喜,但得到自己想要的,又唔駛對方waste 錢買左一d 自己唔like既野,不過..........................................我仍強調,適當的驚喜也是必須的.....