結婚戒指篇

14/2/2010

今日係情人節兼大年初一, 朝早同爸爸媽媽飲完茶後就去左同KEN拍下拖, 我地兩個都無咩年要拜, 就隨便周圍行下啦...結果佢左旺角的PN, 買左結婚戒指, 都係之前睇中果對, KEN的心意比較難改變, 而且亦無乜興趣再睇其他, 所以我都算喇, 唔再叫佢去睇, 雖然我仲有D 想, 但得我一個想都無用啦, 佢咁既諗法, 就算去左睇都只會係得個睇字...應該唔會動搖到佢, 結果又盛惠 $6,660 (已用俏恩及志沖的VIP價).

愈早看迪士尼識字碟 認字愈差

早兩天看了明報的一段報導，或許在朋友間或將來的家庭有用。回想，自己也不想利用這些方法來教小朋友(即使是看似很重要的語言，甚至是外語)。我們還不是自小在普通的中小學讀書，看的也不就是無記亞記的卡通，現在也活得不錯呢。



【明報專訊】美國加州大學研究發現，迪士尼兒童教學DVD「小小愛因斯坦」無助嬰孩增加認字能力，反而愈早接觸這類DVD，認字能力愈差。研究員選取了百名介乎1至2歲的男女嬰兒，平分成兩組實驗，要求當中一組家長在6周時間裏，給嬰兒播放15次「小小愛因斯坦」中的識字碟片，另一組則作普通教育。6周後，研究員對嬰兒進行認字測試，驚訝發現觀看教學片嬰兒的認字能力，竟差過未看嬰兒。專家指出，許多家長以為購買這類DVD可幫嬰兒學習，反而令嬰兒失去與家長和其他小童溝通互動識字的機會。

每日郵報

Pre-Wedding Photo (Part 2), 7.7度

19/02/2010

今日係影相的第二日, 已經預備了大量暖包, 蔘茶, 食物保暖, 但當日天氣真係好凍, 到現在我還不確定究竟沒作改期的決定是否有錯, 不過既然都過去了就算吧...希望d 相出黎效果好啦...
感恩地我呢兩次真係好勁, 完全無唔舒服, 我知道我媽媽勁勁勁擔心我會病, 應該話佢已經預左我病, 點知我又無wor, 呵呵!!!


今日既行程：


由小華與阿jim由太和出發到我家接我去廣福Ken's Home set 頭化妝，佢地因為唔熟路既關係, 遲左20分鐘左右, 之後再去佩詠家接佢, 又因為唔熟路既關係遲左20分鐘，所以去到ken家時已經9時多, 之後11時多才能正式出發到大埔火車博物館，今次我記得(可能真係太擔心)先來一個祈禱, 然後就開始拍攝.


在大埔火車博物館內, 因為車箱內唔俾影婚紗相差點大家都燥左 (影其他相又得wor), 後來總算平息了, 就出發去舊理文府影,影左一輪後就出發去大埔海濱公園, 不過因為天色已晚, 其實我地都不能影好多相 (only影左個水池,可能要擇日重賽wor), 之後就去左明雅苑影求婚照.


最後一站去科學園, 過程都叫做順利啦, 除左又俾一個保安話我地無申請外, 不過感恩當時其實都影得7788, 之後換埋衫凍住咁影左幾幅, 收得工時已經10點多. 返ken家落妝及執搭後就出發去潮和興打冷. 然後再由阿jim車我,200和佩詠回家.


p.s. 全程因為車位問題, 200 都係踏單車來往的,真係辛苦晒...另外ken之後都病左... 你要練好d 身體喇, 話左我唔病你都唔俾病嘛... 真係ya...唔知幾時有相睇呢....

相辦篇 16-02-2010 初三, 10度...

這是KEN弟弟影的SNAPSHOT...都好靚.....
地點是GRAND WATERFRONT CLUB HOUSE

但果日其實真係好凍, 　我地無病都真係好感恩, 明天又要影, 8-10度, 我地會唔會凍死上報紙?
祈禱、祈禱、祈禱....

教堂佈置

我同敏芝最近做左d research, 結果如下:

http://weddingart.com.hk/Banquet_p_c.htm
呢間係慧雯and wan 用過的, 靚, 不過比較貴..

http://picasaweb.google.com/deco.alu/ALuDeco#5416103905584461810
呢間係俏恩用過的, 價錢合理, quality ok, 可傾4日3夜

http://www.flickr.com/photos/gracewedding2004/
呢間係我朋友用過的, 價錢合理, quality ok, 可4日3夜...

http://picasaweb.google.com.hk/kart.bouquet/DIY#
呢間係我打算用的, 價錢平, quality ok, 可4日3夜...荃灣交收, $1200 按金... default items如有不適用的, 可換其他野...service 幾好..

其實我對呢d 野無咩要求, 我寧願留返d 錢俾自己去honeymoon 時用, 買下野都好...

依家問緊交收地點可否近我一點, 如果都唔得, 可能要麻煩朋友幫手車車野了, irene-san? 哈哈...

charming image fitting

之前揀好的紫色晚裝7/2 7:00pm fitting， 我地到達時已經係7:15pm, 之後好快地試了身和配了鏈上去睇一睇...嘩..好靚呀....條鏈...

之後師傅話我地要12/2攡衫, 21/2還, 因為中間有新年假...yee...咁我咪可以2日(16/2 and 19/2) 都有得用呢件衫囉...哈哈...感恩.

筷子工廠

話說之前訂回來的筷子已經有貨(特別嗚謝好友rainbow幫忙攞野,因為ken返左團契唔得閒, 而果日朝早好衰唔衰咁兩隻手臂都打左針, 痺痺地無乜力, 已經以為很醒目地帶定背包去載貨, 但d貨實在太多了, 分開3大袋先ok,背一袋, 手一袋, rainbow 再幫我揹一袋, 但之後揀鏈時, 基本上除左背包我自己揹外, 其餘都係rainnow幫我拎, 真係多謝晒..出外靠朋友呢句說話真係無錯)


到晚上返左ken家之後, 我地 (連同ken爸)好似工廠咁, 逐對逐對拎出黎睇有無問題，本來我都想懶懶地, 就咁望下外觀就算, 但ken呢次超級仔細, 仲高要求過我, 於是乎一睇就睇左粒幾兩粒鐘,幸得ken爸爸幫下手, 否則我12:00am 都未走得, 而且我第二日仲要返崇拜喎... 結果380對當中, 有38對有唔妥 (即10% defect rate, 在祖國出品下, 其實都算係咁), 佢地分別係大喜款- 15對, 小喜款- 8對, 龍款- 7對, 鳳款- 8對, 好明顯大喜款果批係出左d 問題.賣家話要3月先返到貨換俾我地, 其實就無所謂既, 最緊要肯換就得架喇, 遲少少無相干, 反正我地婚期係10月, 有排啦...
之後整埋個吊牌就ok了...


p.s. 最了第二日, 我左手都係可能用力過度, 打針位腫左...仲痛添...