名字 (3)

唉...改名果度, 本來我之前想叫雅言, 但我爸爸一聽就話唔好..
話 讀歪d 變 "牙煙" 或 "啞口無言" wor, 而且ken 又like 佢自己改果個多d
等我仲諗住可以跟表哥仔"言"字輩...所以依家又要改過.

bb, 你幫下爸爸媽媽啦...
但名字真的很重要, 代表天父對你們的心意及召命, 所以一定要再認真求問神先得...

名字（２）

昨天在想名字, 純粹從我覺得幾好既字去諗, 我想到叫“蔡穎嵐”、“蔡希妍/言”, 但又無咩意思.

其後想到表哥仔叫尚言，女女也可跟著言字輩, 結果想到了“蔡雅言”, 意思是優雅、美麗，說造就人的好話, 也有儒雅的言行.

屬靈意思：
弗4:29 污穢的言語一句不可出口，只要隨事說造就人的好話，叫聽見的人得益處。

其他意思：
1)　察納雅言 ─ 考察採納正確的意見。
察納：考察採納。雅言：正確意見 (正言)
《出師表》：「諮諏善道，察納雅言。」

２）　儒雅，《漢語辭典》解釋為兩義：一，學識深湛，二，氣度溫文爾雅。其實，這兩解也是互為因果關系的，只有學識深湛，才能真正做到氣度溫文爾雅；而氣度溫文爾雅，則是學識深湛的外在表現。儒雅風度，不是裝腔作勢，故作高深；不是掉書袋，亂矯情。儒
http://hk.knowledge.yahoo.com/question/question?qid=7009030100417

３）　词语：儒雅
　　读音：rúyǎ
　　英文：learned and refined
　　词性：形容词
　　近义词：文雅，温文尔雅，优雅，典雅，文气
http://baike.baidu.com/view/487816.htm

但2) 同 3) 解釋傾向形容男仔, 係咪呢??

if refer to ken 9月9日的blog: 我只希望子女健康成長，做一個"在神眼中看為正的"人。這樣雅言也有"正"的意思!

而如果有第二個產業，也可以跟著叫希言、康言、納言 (納言敏行, 形容謹慎)、敏言、敬言、慧言...最算容易配...

5-6個月

有了bb 這5-6個月, 除了比較眼瞓外 (真係係好眼瞓)，其他都無咩特別異樣，我自己又唔覺得食多左野 (可能不嬲都食唔少)，但至少現在我未沒有出現食左一個飯仲覺得肚餓果隻，今日去茶餐廳個飯我都食唔晒添。

bb 已經開始郁，郁左3 weeks 左右吧... (9月尾開始)，初時唔多肯定係咪佢定係自己d 心跳...但依家就肯定好多喇, 連ken爸爸都感受到了，不過bb 唔係成日郁俾ken爸爸feel，可能因為ken爸爸無乜講故仔俾bb聽，哈, 慘慘!

bb 通常食完野會郁得多d, 同埋在我轉身時 (sleeping) 會郁，可能佢都要adjust 下佢在我裡面的姿勢吧...郁時左右兩邊都有，唔知邊面係手邊面係腳呢... 下次睇doctor 時問下佢既姿勢先.

諗諗下, 依家都10月，仲有3個月佢就黎, 雖然依家預產期改左27/1, 不過都好快過, 唔知佢真正係幾時出世, 新年前 or 後呢?

bb, 到時表哥bb 都會黎探你呀, 真開心! 很熱鬧，yeah!

名字(1)

知道懷著的是一個女兒，接下來我的重大任務就是…為女兒命名。這任務還真艱鉅，因為要改得好聽、有意思、又不給人誤會的名字實在有難度(還好我不是姓吳，不然就得花更多的功夫了)。

第一個入圍的名字(亦是暫時唯一入圍的)叫"若翎"。這名字的意思是：

1. 好像羽毛一般的輕柔、一般的美
2. 好像羽毛一樣，看似很柔弱，卻能幫助鳥乘風展翅高飛

父母太都希望為子女改一個特別的名字，甚至想要一個獨一無二的。然而現今世代什麼名字都有人改，哪裡還來特別得來又好的名字呢？好的名字都被用得不特別了。"若翎"這名字也有人用，上Google 找一找也可找到一些。不過再想一想，還是算了吧，那些人還真太遠了，但求自己圈內不太普通就算了。

在我記憶中，最近的名字只是填詞人"林若寧"。填詞人都用同音的筆名，大概這名字聽入耳的質素也有點保證吧。

產業

結婚快要一年，經歷了不少恩典，生活上也有一點轉變。搬了屋，多了一個人暖被，兩個人的時間也多了(也因為過去往得比較遠，相比之前兩個人的時間比以前真的多了)，就連兩個人的工作也轉了。到了五月，神也給了我一份三十歲生日大禮：BB一名。

有了BB，周圍的人都會問我想要兒子還是女兒。坦白說，我的確比較喜歡兒子。傳統的思想當然是一個原因，但當我想到要和小孩子溝通、玩，我還是覺得兒子會比較合得來。然而因為我心裡非常清楚決定權都不在我倆的手(撇除人工受孕的問題)，我更明白得著兒女已經是恩典，所以我都不太願回答那些"想要仔定女呀？"的問題。

對於我，我只希望子女健康成長，做一個"在神眼中看為正的"人。


常聽到人說子女是神所賜的產業，但到底聖經在哪說過這事呢？找了好一會兒，發現原來是詩篇。

詩篇第一百二十七篇

〔所羅門上行之詩。〕若不是耶和華建造房屋、建造的人就枉然勞力．若不是耶和華看守城池、看守的人就枉然儆醒。
你們清晨早起、夜晚安歇、喫勞碌得來的飯、本是枉然．惟有耶和華所親愛的、必叫他安然睡覺。
兒女是耶和華所賜的產業．所懷的胎、是他所給的賞賜。
少年時所生的兒女、好像勇士手中的箭。
箭袋充滿的人、便為有福．他們在城門口、和仇敵說話的時候、必不至於羞愧。 

四個月

19/8/2011

今年係第一年有bb同我慶祝, 不過佢仲0係我肚入面, 我又未feel到佢, 唔知佢知唔知今日係佢媽媽生日呢?

其實懷孕過程都算順利 (包括成孕過程 :p)，我依家4個月左右，一次都無嘔過，連作嘔都無，不過人地話要食桑寄生蓮子蛋茶長胎 (我怕bb 唔夠size)，但我飲完之後反而唔多舒服，所以試左一次之後都唔敢再飲，反正學政府醫生話：依家唔會有人營養不良架喇! 正正常常食野就ok，咁就算吧啦。

有左之後，ken 都好幫手做家務，我都算滿意架喇，不過反而老爺成日都話佢唔幫我做野wor，我都唔明點解，ken 更加覺得無奈啦，不過我有安慰佢既…

原來我們一班中學同學，only 計女仔，同一時間有7個大肚婆，有2個8月生, 有個9月, 有d 下年, 總之就利害啦…如果搞個gathering…. 應該會幾好笑!

依家都見肚喇，之前一路唔肯定係我本身肥定係真係bb令我個肚大左。依家可以暫時lai下佢，可以唔駛驚俾人見到個大肚肚，哈!

兩個月

23/6/2011

自從有左bb的這兩個多月來，身體上沒有明顯的變化，沒有任何的唔舒服，或許是吃多了，肥了一點，但都無辦法啦，依家我係合理性肥胖，唯有這樣自圓其說啦，我想可能有變化的是我成日都覺得好眼瞓，晚上回到家，吃完飯，我大多會看一回兒電視後便瞓了，有時更是瞓左兩個幾鐘，返工又成日都覺得好眼瞓。

剛巧發現自己有bb的日子老細放左假，要成兩個星期後才回來，故我也打算在她回來時就告訴她。

這陣子不斷從網上或朋友身上吸取懷孕知識與經驗，總覺得生仔係一件浩大工程，由確定懷孕的那刻起，便要準備很多東西。第一樣野要決定的，便是要決定到私家或是政府醫院生，因為這個年頭，很多大陸媽媽喜愛來香港生b，都唔明點解政府無任何政策 / 措施阻止咁多人黎生仔，搞到公立醫院d 人手又唔夠，仲要忙到死下死下，如果佢地有錢 (大部份都係既…) 就去私家醫院生，咁私家醫院就當然唔介意啦，佢地收貴好多架喎，收入比收本地大肚婆既case好咁多，在商言商，佢地當然歡迎大陸媽媽來生仔啦!

不過考慮過價錢及我身邊最要好的朋友的經驗後，她們都說在公立醫院生都ok，而且幾百蚊就出到院，之後留返俾自己 / 阿b 食左佢仲好啦，私醫 at least 都要幾萬蚊，而且有咩大獲野又或是早產，一般私家醫院都會送你返去公立醫院，果度d 儀器好d 喎，與其係咁，點解唔一早在公立醫院呢，要送黎送去，雖然話公立醫院唔一定係醫生同你生，因為係助產士同你生，但我估佢地見過咁多個case，經驗實好好啦，唯有希望到時唔好太多人生，佢地無咁忙，心情好d 壓力細d，會好人d 啦。

依家政府話cut大陸人既quota，唔俾咁多人黎生仔，但真係你有張良計，我有過牆梯，你唔俾佢地從正途黎，佢地咪走後門，去急症室生囉，殺你一個措手不及，問你死味! 唉，所以都無咁計咁多，真係「人心籌算自己的道路；惟耶和華指引他的腳步。」(箴16:9)