法國婚紗影相記...

11/12/2009

法國婚紗呢輯相係我地第一輯影既相，但今日有人又遲到囉...真係有d 嬲，生日又遲到、影結婚相又遲到, 結婚果日唔知會唔會都遲到呢?不過為左唔想影響心情，我盡量keep住自己開朗的心情，早上11點幾已經去到法國九龍塘的店舖，約埋睇相日期(心諗：咁快?!相都未影!)就去左locker果度放低d野, 不過我地都有d迷茫，都唔知駛唔駛拎定d 要用既野出黎, 拎又好似好多咁, 不過我地都拎左d 衫呀, con出黎準備左先, 跟住我就見到有其他新人(得新郎)一個人呆若木雞咁在等, 我估佢係等新娘化妝，所以我都叫ken唔駛太快gel頭, 之後大把時間了，跟住無幾耐已經有人帶我去換衫及化妝，一個換完衫後，已經由另一個人(carey)幫我化妝，跟住又有人幫我整頭，之後又有人幫我拎頭飾、耳環咁, 3-4個人服侍，好似好威咁, 不過估唔到真係連手臂、心口都要化埋妝，真誇張! 第一套衫係晚裝，最終都揀左件藍色的，好似靚d，呢個個頭就紮晒上去(好似有少少馬尾咁垂落黎)，之後個wedding grown就放晒d 頭髮落黎既，到最後既angelababy look因為要出街, 所以都整d輕便d既放一半，但今次係放側邊，基本上佢地都會問左你意願先，跟住再俾意見& suggestion你, 咁我都覺得佢地既建議ok, 咁就由佢地發揮啦...
反而我係對飾物有多少少要求，始終我都認為婚紗襯珍珠係最靚，而如果個頭髮係紮晒上去既就要隻耳環特出d!

搞掂完自己個look之後返去鎖野，就有個攝影師助手(阿俊)黎問我地d衫係點、想在那裡影多d及有無帶d咩道具咁, 最初見阿俊，覺得佢好後生, 即刻又想起200分佢地啦, 跟住佢好好人咁幫我地用個袋pack晒d野後就帶我地去見攝影師(carto)，一見到就嘩一聲啦，因為好靚仔架, 又好artist feel，因此今日心情亦大靚，事關見到其他攝影師唔係肥佬就鬍鬚滿面、一係就長毛仲要係curry hair....oh no....超感恩照顧我地全日既攝影師及助手都幾靚仔，真係笑都笑得開心d. 最搞笑係後來發現原來都係佢地同debi and yu kei影, 咁應該影出黎既相都有返咁上下保證!!! 哈.^v^

跟住影左好多相都係件晚裝，琴、酒吧、長sofa、地庫 (有幾個景)，carto 好努力咁將我帶來的花球、十字架及聖經放在當中，又問我地對住聖經可否kiss，哈, 都好好笑!

之後都係d standard相啦, 都預左既, 不過全程我隻左眼又唔爭氣，勁流眼水啦, 搞到阿俊手震震咁幫我整，其實我都有d怕羞啦，佢咁近咁幫我整眼眼，唔知kenken有無呷醋呢，不過鬼叫佢都唔識整, 係要靠人地啦...不過著住果件野去廁所就真係好唔方便啦，我仲要有好多重要野整, 真係慘!
夜晚出1881 無我想像中咁多新人影相，但遊人就好多, 我地都好多人望住, 不過我無理啦, 照影, 哈哈...跟住同左carto名阿俊影左2張相, 唔知會唔會好人d俾返我呢...希望得啦...影完後回程都已經9:20分, 返去落妝、換衫都已經10時左右了, 又好似係最last一對走人...d staff多數都走晒喇, 因為今日同我化妝既carey有個生日會, 大家都去左玩啦..但carey都要幫我落埋妝先走, 真係唔該晒!

最擔心既ken choy絕版笑容唔知點呢, 因為我都望佢唔到, 不過都唔係太多要笑得好勁, 有d 都係合眼 or 微笑就ok, 個頭側呢邊定果邊...全部由carto話事, 不過佢講野有d 細聲, 有時唔多聽到, 都係靠阿俊聽到幫我地擺及引我地笑....good!!!! 評分果part我都俾左200分佢地啦...

唔知到時200同小華果輯會影成點呢???