KEN 生日 + 申請mortgage記

15/05/2010

今天係ken的生日, 本來打算去香港公園行下, 順便佢再上山頂飲, 生日禮物就欠奉，因為之前都太忙了, 而且根本想不到ken有任何需要 (現在可能有了, 因為電話壞了), 只係想靜靜地陪下佢, 傾下計, 休息下。 希望他身體健康、唔好咁忙、事主更有力!

由於早上急於要搞申請mortgage既野, 簡單食個m記早餐後就去銀行, 搞mortgage既野都算順利, 申請左恆生, 中銀, DBS, 東亞, 應該都夠喇啩, 填form填到熟晒手, 但其實OFFER間間都差唔多. 不過之前諗好多野, say 條path點行先最少re-walk, 但現在同你plan的有時真的好不同, 基本上係唔到你控制/plan囉... 本來想先去DBS、恆生、中銀、最後才去東亞, 但由於DBS 同恆生都多人, 所以先去中銀, 但想搵的ANNE竟然又咁啱放假, 但佢都好好人肯返黎分行幫我地整野, 但我地又衰去左恆生睇雨有位未, 點知又OK喇WOR, 結果就搞掂埋恆生先再返去, WASTE左佢咁趕返黎添, 之後中銀都搞好, 就回DBS, 但又係太多人, 故我地就去左東亞先, 結果又等東亞果度OK先再返DBS, DBS又收铺了, 感恩STAFF又繼續幫我地整野, 仲好有心機解釋D 野俾我地聽, 服務算唔錯. 依家可以初步考慮下大家既OFFER, 下星期應該有回覆批唔批同埋批幾多年, 到時再揀.

不過行埋D 銀行後, ken隻腳唔係好舒服 (之前"咬"柴未好返晒, 仲腫左一舊), 所以就回到教會(約拿單團契)中坐下, 搵搵資料做週會, 之後再食個tea就走了 (ken就去飲, 我就買CON及回教會搵俏恩佢地食飯), 因為今晚要在她們那裡睡覺, 第2日就唔係咁早起身去影相，yeah! 不過就要志沖瞓地下了, 真係打擾晒...

不過有樣野好好笑, 就係~~
俏恩問我：你係咪日日都會換枕頭袋架?
跟住我問：你邊度聽返黎?
俏恩答：唔記得喇, 但總係好似記得你係要好乾淨囉，等我昨天仲同志沖講慧筠要日日換枕頭袋架!
我答： 呢個好明顯係謠言黎既，只係因為我有nose敏感, 醫生一般都會建議我一星期最少換兩次, 但當然我無啦, 而事實上, 我在明雅苑時的確係一洗頭就換枕頭袋，咁我隔日洗, 即係隔日換. 不過依家去左九龍住唔知點解無左呢個習慣, 我阿媽又無幫我換, 所以有時都一星期先換一次囉...