Honeymoon

Skip the sharing of wedding, switch to honeymoon first:

honeymoon行程

25/10 HKG  26/10 LONDON 30/10  30/10 MANCHESTER 1/11  1/11 ZURICH 3/11  3/11 LUCERN 5/11  5/11 INTERLAKEN 7/11  7/11 ZERMATT 8/11  8/11 GENEVA 8/11  8/11 PARIS 12/11  12/11 LONDON 12/11  13/11 HKG (本來)

但最終PARIS 12/11  12/11 LONDON 13/11  14/11 HKG

行程 + 波折
1. 一去到英國的第一日我已經病了，成個人好軟弱，足足瞓左1.5日，基本上將之前搞結婚、旅行唔夠既休息，一次過清還。好在有帶定d 感冒藥，食左瞓足1.5日，之後可以如常活動。唯我休息的時間，ken 也休息及獨自外出了半天，很少機會honeymoon有機會“獨自”外出，幾特別!

2. 其餘英國的行程也很順利，有些地方因為不夠時間而沒有去，其實我們也沒大所謂，去唔到都ok既…say china town, transport musemum, oxford street for shopping, nardos for eating roast chicken.

3. 到了Manchester，除了ken 期待已久的曼聯行程外，我們也有一點休閒的時間，讓我們輕輕鬆鬆地走，不用趕頭趕命，good!

4. 曼聯之旅，嘩，這個貴貴的package原來包括一個musemum tour (其實即係自己行博物館，對於我呢個對曼聯乜認識都無既人黎講，睇左等於無睇過!)，luncheon (不過係tea time時間), 食完就除即行去球場睇波，真係勁多人，正面場果班fans真係全場都企0係度，唱晒歌咁 (ken 但願佢識唱，不過唔識)，情緒何期高漲，好在我們不在那邊，否則我地想坐下都唔得。

5. 場波都ok既 (當然係曼聯嬴!)，有funny既入球，話說曼聯有人跌低左，球證無吹，大家繼續踢波之際，熱”次” 既龍門以為吹左，佢可以慢慢放低個波，然後慢慢開波，但被頭先跌低左既曼聯球員起身行埋佢身邊，將個波送左入龍門! 眾人O 咀之餘當然有人會上訴，但上訴不果，曼聯就係咁嬴左2比0.

6. 睇完波之後又返去之前食野既地方，又有一些三明治同飲品，等大家再傾傾賽果，之前我們每人都要估賽果，估中左有獎，雖然我們沒有估中，但因為當局知道我地係honeymoon，所以都特別送左一份禮物俾我地，哈哈...由一個唔知幾多廿年前的球員頒獎俾我地。

7. 說到這裡要講下同我地同枱既朋友仔，有一對好搞笑既男女，女既好想結婚，男的又好似唔多想咁，個女既見到我地honeymoon不知幾羨慕!

8. 去到瑞士蘇黎世已經係夜晚，幸好酒店在距離中央車站不遠處，所以我地都唔係搵左好耐就搵到。安頓好之後就相繼入睡，我們的綽號是「快眠精」。

9. 之後一日慢遊蘇黎世，沒有太大壓力慢慢行，仲有ken ken 最喜歡的餵天鵝同鴨仔環節 (唔鍾意餵海鷗，太快太爭競)，我就好驚唔敢直接餵落天鵝個口度，但ken就ok. 同埋我地比較喜歡鋤強扶弱!

10. check out 後去琉琛，我地在琉琛留2日，但其實我地唔夠時間行晒d 景點，覺得可以extend 多一日，在琉琛第一個行程係去搵酒店，放低行李之後就去左遊湖，有pass 免費的情況下，我地坐船enjoy左一個下午，非常寫意，到落船時已經日落，之後我地行下d 教堂同木橋，跟住就返酒店，點知返酒店時都有個驚喜，話說我地book係book一間兩星既酒店，但唔知點解佢無啦啦upgrade左我地去間三星既，當然都唔係話好豪華果d 啦，但以chf 75 per night book一間原本要chf 175 per night 既，你就會覺得好抵，哈哈!

11. 之後第二日就上去鐵力士雪山，環境好靚，唔算太凍，仲可以除外套玩雪添! 落山後本想去搵垂死獅子像，但行到去時覺得實在太恐怖，陰陰沈沈的，所以唔敢行入去，打算第2日早d 起身去行一行 + 買手信再搭火車去interlaken.

12. 去到interlaken已經下午2點左右，再去埋我地住既地方（瀑布鎮），已經3點幾，所以去左grindleward，本來係想去玩下雪兜，不過搵唔到之餘我知道ken是沒有興趣的，於是便改變主意去搵間在網上搵到話ok 既芝士火鍋，仲行左一陣山 (搵間餐廳好似行山咁)，結果做左佢果晚第一個客之後就回hostel。

13. 第2 日就上雪山 (top of europe, 少女峰)，好凍，好大風，基本上不能在外企好耐，不過就都好靚，影左數張相後就遊覽左其他地方，大概2點幾就落山去返interlaken度行下，不過因為我肚餓及趕住返去煮飯既關係，行左少少就走左。無去到interlaken west 最繁榮既位置，但第二日又要一早走人去zermatt，都無法啦。

14. 由於去zermatt 既路，有一段有maintenance work, 故我地要轉一次巴士先得，結果又試埋坐巴士，去到都2-3點，由於星期日既關係，大多數既店舖都無開，所以我地就諗住上雪山啦，不過發現無乜人上，原因係果日超多雲，根本睇唔到個三角頂，不過我地都有照上去，不過估唔到既係果度好鬼凍，我地又無做得好足既裝備，所以就快快行過，我地兩個人膽粗粗都有上遼望台，驚險之餘但都係一次好好既經歷，不過都係因為太凍既關係，好快就走人，如果夏天去，仲可以去遊下湖既，但個湖依家結左冰，我地都費事去喇，落山行下街道及食返餐好既吧啦....

15. 落山之後，諗住睇下有咩餐廳啱心水，但睇黎睇去都好貴，於是我們改變主意，食左個以我地指標黎講叫貴但在當地算平的晚餐，就是價值港銀100大元的mc donald高級包，仲要無茄汁俾，要俾錢先有茄汁，咁唔合理既事我當然沒有做!

16. 果晚好凍，原來唔止凍，仲落雪添，這是我有生以來第一次親見落大雪，我地勁興奮，玩左一段時間先返酒店，哈! 返到酒店後我地要解決一個重要問題，就係無adaptor (我帶去果個唔啱用)，但問左好多人都無，結果唯有膽粗粗多次，問另外一對之前一齊上雪山的遊客，感恩佢地好好人地肯借俾我地之餘仲要係可以借足全晚的，因為佢地話佢地果晚唔駛用，不過搞笑地，原來佢又想問返我地借notebook，因為他們的notebook壞了。結果我地做左交易，佢借adaptor俾我，我地第2朝早餐時借notebook俾佢地抄data. 哈哈.

17. 第2朝我就去左玩雪，ken成日話我百厭，但我真係未玩過真雪嘛，好玩過去d 飄雪樂園好多架... 不過始終得我一個玩，唔玩得好耐就無癮，加上又要繼續行程，只好留影多幾張就走人，起程去日內瓦。

18. 去日內瓦原來都好鬼耐，我地take 10:30左右既火車，都要下午1點幾先到，由於我地唔會stay，所以要拎住d 行李周圍走，所以都唔行得遠，去左英國公園影左幾張相之後就走去買野，買完野就去左機場諗住tax refund and check-in等，好在我地預得多時間，因為估唔到因為我無買到extra 行李的原故，又因我地行李過重的原故，更因我地未做tax refund的原故，我地搞左好耐，無買行李費又要無啦啦俾多chf 35，都算喇，之後都仲要過重，un-pack野時又亂晒大龍，將d唔拎得上機的都拎左，又搵唔到條路去做tax refund，KEN硬闖人地關卡，連我都”O” 0左咀，最後總算搞掂，咁諗住搞掂晒所有野之後，結果又俾custom check到我地hand carry上有刀，又驚左一大輪 (事原我地之前慌亂地un-pack d 過重既行李，將一d 唔qualify hand carry 上機的都拿到ken的背包去，失敗!) 不過超感恩個custom 見我地咁善良又可憐的樣都知道係我地一時大意 (我真係變左sherk 果隻貓咁，即時變樣)，結果都放我地走仲俾我地keep得返d 軍刀 (如果唔係無左d 手信架喇)，佢只係掉左我一支body lotion 同 make up remover，咁我為求走人當然係lur 飯應話ok 無問題啦。

19. 雖然幾經波折，都上左機，一上機就有一個空姐用廣東話問我地係咪香港0黎，真係好耐無聽過廣東話，所以我問佢，e... 你識講廣東話既...跟住佢話因為我都係香港人囉...咁起飛之後，佢就好friendly咁行埋黎，同我地傾左一陣，除左同佢share我地之前既經歷外，我仲借機問問佢落機之後既步驟啦，因為當時已經8點幾，去到paris9點幾，黑漆漆仲要搵路好慘架嘛，跟住佢就幫我地問左佢d 同事，教左我地點做，咁我地就好安心喇，所以又多一件感恩事!

20. 去到paris，好快就搵到酒店 (因為TAKE TAXI)，拿拿臨就去瞓，攰到死，不過之後發現原來我地去錯左車站，我地應該係東站出，1分鐘就到酒店，但我地在北站出，要take hkd 60-70的士。

21. 在paris 幾日，天氣一般般，keep住毛毛雨，最過分係去凡爾賽宮果日，落勁大雨, 又大風, 我地仲要去行個勁大同勁空曠既御花園，唔行又唔抵，真係雞肋!

22. 結果都平平安安的完成幾日既行程，在酒店尾兩日仲遇到另一家香港人，不過佢地係住london greenwich 的，話個仔帶佢地黎玩，咁咪幾好囉...

23. last果日，買完野之後就飛奔去搭euro star返london，唔知點解都搞到好趕咁，俾人催我地上車，又要我買得個位好頭，要行好耐 (由尾行到頭咁)先去到，上到車我地氣都未順，之後2個鐘頭到就到左LONDON。

24. 但旅程還有驚喜，事原返到去, 未夠鐘, 我地就諗住去harrods 買手信俾ken 爸，去買車飛既時候metro既職員同提我地話如果我地7pm後入閘去機場會平d，於是我地諗住我地9:25pm機，7點後入閘再take 1個鐘車 (offically 係40mins 車程)，即8點左右到，我地都應該趕得切啦，結果我地7:01pm入閘，但中途太多signal failure，我地一路搭都一路覺得大鑊，結果我地8:17pm先到，但都無辦法，都要照趕，但去到virgin 既counter，佢唔俾我地check-in，佢又問我有無online check-in，事實係我之前一晚有去佢web page check但都仲未有得check-in，第2朝我就唔記得左喇，於是無check-in到佢就唔俾我地上機，要我地take 第2日既機，即要等多24 hours. 天呀....why 要咁呢? 最last一日都要玩我!

25. 結果我地落荒地尋求幫助，去到support既counter附近，由於太多人等，隔離既payment counter突然叫左我地過去，幫我地改機票，但我仍盡我最後一口氣嘗試令virgin d 人俾我上機，結果當然不得要領，但可能我差唔多想喊既樣佢地都有d 同情我啩，雖然我果次其實語氣唔多好，大鬧左一輪，但佢最後只係話：轉機票係要俾錢既，依家我唔收你地錢，但你地應該知道，搭咩機都好, 都要2個鐘頭前到機場，1 個鐘頭前check-in.

26. 唉，結果我都無得再反駁啦，反正沒有用時, 費事佢改變主意收我地錢，見好就收既道理我都明白既...改好機票跟手我就想起我地係有買旅遊保險的，但其實都唔記得左包d 乜，即刻拎返張保單出黎睇，雖然delay左應該係有得claim，但我地唔太sure能否get到metro既proven，而之後既消費又唔知包唔包，所以我地都唔想特登花125 – 400 pounds 去住酒店，結果那晚，我地瞓左一晚機場。

27. 瞓機場一來唔多舒服又怕人偷我地野，所以都瞓得唔多好, ken 已經好gentleman地讓我瞓，佢看行李，但始終人都會累，所以佢都瞓一陣，第2朝一早6點幾我地就去左睇下有無得check-in左先，如果唔係拎住d 行李都唔知去得邊度。

28. 接著感恩事又黎喇，正當我地行緊去virgin counter 之際，有個嬸嬸行過黎，問有咩可以幫我地，我地就一五一十地告訴她，雖然那時online 未有得check-in，但她知道我地既情況之後(honeymoon + missed flight last night + slept in airport)，佢就幫我地安排早d check-in 及寄行李，真係人間有情! 結果我地可以預早寄晒d行李，就可以輕鬆d 出去行多幾個鐘，結果去左之前因為我病及唔夠時間去既行程 (say china town, transport musemum)，充充足足的行完就回到機場，今次一定要飛到了。

29. 感恩原本打算13/11到香港可以有一日休息及安頓，結果依家雖然無得點休息及安頓就要返工，但總算唔駛請多一日假，感恩感恩。

總結：
這次的honeymoon中，有很多不同的經歷，雖然只是3個星期，但好似經過左好耐時間咁。當中雖然有很多波折，不過好感恩，所有問題都有出路, 仲要好多時d solution / helper 自動出現，讓徬徨的我們多一點溫暖及安心，也讓我們學會了一些功課!