有喜

27/5/2011

這幾天的心情好像玩過山車一樣的刺激，由5月16日開始一直也期待著m小姐的來臨，可惜等了幾天都不見，去過家計會check又話無，故一直等一直等，直至和朋友們傾左好多次，如果真係有左b要快快到威院登記既原因下，於是我5月25日再check多次，結果那天我比原定的時間早了起床，拿出驗孕的東西，等待結果 – 有兩條線漸漸出現，初時還不太相信，後來看見兩條線真的很清楚，但拿去給仍是熟睡的kenken看，他本身唔肯開眼睇 (因為以為我叫佢起身返工)，直至我同佢講叫佢睇結果，他才開眼看他最想看的事情。

之後我地都醒晒咁，但明明仲有成45分鐘可以睡，我地傾左一陣之後我就再睡過了，但我知道我倆也很興奮高興。

然後在乘車的路途中我就打電話給家姐報喜，返到公司就msn 同左阿fring講，lunch再同我爸媽講，after lunch 就同rainbow講，她們都教我很多要注意的地方及之後要做d 咩既事情。

所以5月25日放工後就立即去了私家醫生攞醫生紙，5月26日請了半天假去威院登記，事就這樣成了。可是，那個私家醫生收了我$240，但甚麼都沒有說，我便問他：你係咪都要同我講下要注意些甚麼? 他才勉強地說了兩句，真過份! 但我忘記問他，而他也沒有說，我的預產期竟是2012年的大年初一 (1月23日)，出年的新年特別早，我唔想上電視! 不過聽返其他醫生講，有7成bb比預產期較早出生，有3成bb係比預產期較遲出生，所以我估他/她大多數仍是兔bb。

不過唔知點解，可能見我家姐個b多，我都想生仔bor，哈，不過一切還是待他/她穩定下來先再諗吧!

真的好想知道平日最恨有”後裔”的kenken，他的心情是怎樣呢?