買樓驚險記

雖然講左咁耐, 但我始終未講我最終買左邊度, 答案就係明雅苑了. 是的, 我又回歸明雅苑了.
話是說不想回歸, 但當現在興理想不能配合既時候, 人就只得退而求其次. 而回歸明雅苑就係退而求其次的選擇.

話說小妹被海景吸引了, 而且爸爸媽媽一直都想換一間可望海景的樓, 他們未做到的, 我想為他們做到. 所以我也許是陷入了海景的迷思, 但這也沒有所謂吧...因為一切都係等價交換!

08/05/2010

這日我如常的返大埔睇樓, 看到一間明雅苑c座34/f 15室 (593呎, 下稱593), 對比起之前看 b座28/f 2室(534呎, 下稱534)的確無佢個廳既景咁靚, 但勝在房間夠大, 而且也是向東南. 價錢亦比較合理, 因為兩者的售價都是198萬, 早上特別去了銀行做估值, 534的估價是170萬, 而593的估價是190萬, 當將售價與估價作比較, 593是比較合理的。

當然我也期望業主會減多些少, 但業主不肯, 我也沒有辦法, 一係買一係唔買.
早上跟ken看完593後, 覺得ok啦既感覺, 沒有即時confirm, 也沒有十分喜悅的表情, 不過之後我們再坐低想想上一篇提到的考慮時, 都覺得可以考慮既...但我還是有點猶豫, 我知道如果跟爸爸媽媽說的話, 他們一定會反對, 但我還是打了這個電話, 因為我不想他們認為我先斬後奏，結果一如所料, 反對的聲音如雷聲大, 之後我地都驚驚地, 跟住陪ken返團契, 其間碰到martha, 再會合felix先食個飯, 再一齊去搞餘下的手續, 因為得我一個唔係好識點搞, 幸好有felix在. 食飯之際, 心都定了一點, 但去到地產那裡, 手裡拿著筆正在寫支票之際, 電話就不絕響起, 先是爸爸, 後是家姐, 再是媽媽, 每一個都很緊張的告訴我不要亂動, 一堆一堆的說話, 嚇得我想哭出來, 你們說的, 我們都知道, 但我們仍是想堅持我們的想法, 只是我已嚇得六神無主。 幸好我知道爸爸會來, 再與felix商討後, 決定先拖一拖讓爸爸都看過後才做個決定，所以就先不寫支票，我想經紀一定好心急。

跟住神奇既事又再發生, 本來我叫經紀俾個佣金discount時, 他也不太願意, 我又已經無心思再同佢傾, 幸好有felix在, 他幫我說服經紀俾左個8折我, 詳情唔在這裡講, felix說是商業秘密, 嘻嘻!

之後爸爸去到, 當然會好客氣咁唔會太大反應, 問了爸爸及felix的意見之後, 我拉左爸爸去露台傾左一陣, 解釋左我地既決定及原因, 佢亦解決左佢地既擔心及看法, 大家明白之後爸爸也很體諒我們的決定, 但我也向爸爸說, 我知道這屋並不是最好, 最平, 但我希望他可以支持我地既決定, 特別係在媽媽面前幫我解釋.

父母一關過了之後, 其實我腦海還是空白一片, 簽名也如傀儡式的簽下，幸好又有felix在, 他幫我verify d數, 幫我在前前後後都令氣氛變得無咁緊張。我真的不敢想像得返我自己一個時, 我是會如何...

完成初步文件後, 仲有一樣野要做, 就係簽返份佣金DISCOUNT FORM, 所以又要返去佢SHOP度簽, 看看時間已經係4:15, 有點急, 因為當天要做主席, 我想早點回到教會. 所以同AGENT TAKE TAXI回去, 快速簽了名字, 就快快地返教會...好怕會遲到...

感恩都早左到, 可以SETTLE一下心情, 但我都知道果日我的狀態確實不太好, 應該無咩表情, 好無FEEL/HEART既感覺, 神呀...真係SORRY 呀...

最後好想講, 天父呀, 感謝你賜一位咁好既弟兄去幫助我們，到如今他還是一樣咁support我們. 他說：無論睇樓, 結婚大小事, 我都會supprt 你們, 為你們禱告守望的. 萬事都互相效力. 他的信仰理念是 : 信仰是用行動顯示出來的, 不是用口說出來的, 我記得之前約拿單團契上我 家探訪我時, 我也是這樣和他們分享, 信仰不是你決志個一刻感動; 最重要是在人生中如何去實踐出來, 讓別人見到信主如不信的分別. 再講, 以往梁牧師 , 汪姑娘在位時的保護年代已經過去, 我們要成長起來, 承擔教會, 就在生活上磨練啊. 你和ken 都+ 把勁, 麗禾將來由你們接棒啊!

真是哈利路亞! 以便以謝!